Петропавлда пәтерде өрт шығып, жеті адам құтқарылды. Бұл туралы skopetro Instagram парақшасында видео жарияланды, деп хабарлайды “Адырна” ұлттық порталы.
Ақпаратқа сүйенсек, өрт төрт қабатты үйдегі пәтерден 24 желтоқсанда сағат кешкі тоғыздар шамасында шыққан. Құтқарушылар үйден 16 адамды эвакуациялады. Сонымен қатар алты ересек пен бір бала құтқарылды.
Желіде тараған видеодан өрттің үшінші қабатта болғанын көруге болады.
Мәлімет бойынша, пәтерде алты шаршы метр жерде жиһаз өртенген. Өрт тоқтың қысқа тұйықталуынан болуы мүмкін.
