Премьер-министр Әлихан Смайылов министрлер кабинетіне жылу беруге қатысты төтенше хабарларды жедел жеткізіп отыруды тапсырды, - деп хабарлайды “Адырна” ұлттық порталы.
"Технологиялық ақауларға байланысты инциденттер болып жатыр. Бұзылған учаскелерді нормативтік мерзімде қалпына келтіру бойынша шұғыл шаралар қабылданды", - деді Әлихан Смайылов.
Үкімет басшысының айтуынша, апаттар болған жағдайда барынша шұғыл әрекет етіп, тиісті шаралар қабылдау керек.
"Халыққа нақты жағдай туралы, жөндеу жұмыстары мен жоспарлы жұмыстар туралы дер кезінде объективті әрі түсінікті ақпарат беру – маңызды мәселе. Әйтпесе, өтірік ақпарат пен фейк тарап кетеді", - деді Премьер-Министр.
