Маңғыстау облысында Каспий жағалауында суға батып бара жатқан жасөспірім құтқарылды, деп хабарлайды Төтенше жағдайлар министрлігінің баспасөз қызметі.
«4 шілде күні сағат 21.40-та Каспий теңізінің жағалауында, атап айтқанда, жартасты жаға аймағында Маңғыстау облысы Төтенше жағдайлар департаментінің мобильді авариялық-құтқару жасағының кезекшілігі кезінде жедел-құтқару жасағының құтқарушылары 2006 жылы туған азаматты аман алып қалды», - делінген сәрсенбіде тараған хабарламада.
Атап өткендей, жасөспірім рұқсат етілмеген аймақта шомылған.
«Жасөспірімге медициналық көмек қажет болмады», - деп қосты Төтенше жағдайлар министрлігі.
Редакция ұсынған жазда шомылу маусымында ескеру қажет ережелер:
- Суға шомылатын жерді, жалпы жағдайды судың тазалығын, тереңдігін мұқият тексеріп алыңыз;
- Тамақ ішкеннен кейін бірден шомылмаңыз;
- Суға тек қана рұқсат етілген жерлер мен жағажайларда шомылыңыздар;
- Өте ұзақ шомылмаңыз, өзіңізді шаршағанға және қалтырауға дейін жеткізбеңіз;
- Суға түскенде бір-біріңізді көзден таса қылмаңыз;
- Қоршау белгілерінен, ағынды аймақтардан тысқары жүзбеңіз;
- Техникалык ескерту белгілерінің, ағысы қатты өзендердің қауіпті аймағына түспеңіз.
