Жоғары Еуразиялық экономикалық кеңестің отырысы еуразиялық интеграцияның жаңа кезеңге өткенін тағы бір мәрте айқындады. Қазіргі таңда басты назар тек экономикалық саясатты үйлестіруге ғана емес, сонымен қатар жаһандық тұрақсыздық жағдайында бірлескен тұрақты даму моделін қалыптастыруға бағытталып отыр.
ЕАЭО-ның қазіргі күн тәртібі жаһандық жеткізу тізбектерінің трансформациясы, геоэкономикалық бәсекенің күшеюі және экономикалардың жедел цифрлануы сияқты факторлардың ықпалымен қалыптасуда. Осындай жағдайда интеграциялық бірлестік жай ғана диалог алаңы емес, жаңа сын-қатерлерге бейімделудің тиімді құралына айналып отыр.
Қазақстан үшін ЕАЭО-ға қатысу стратегиялық маңызға ие. Бұл одақ кеңейтілген нарыққа қол жеткізуге мүмкіндік береді, сыртқы экономикалық байланыстардың тұрақтылығын қамтамасыз етеді және келісілген саясат шеңберінде ұлттық мүдделерді ілгерілетуге жағдай жасайды. Әсіресе өнеркәсіптік кооперацияны дамыту, көлік-логистикалық дәліздерді жетілдіру және экономикалық өзара іс-қимылдың жаңа архитектурасын қалыптастыратын цифрлық шешімдерді енгізу ерекше маңызға ие.
Сонымен қатар интеграциялық тетіктердің тиімділігін арттыру негізгі міндеттердің бірі болып қала береді. Өңірлік бірлестіктер арасындағы бәсекелестік күшейген жағдайда тек кедергілерді формалды түрде жою жеткіліксіз. Экономикалық процестердің нақты үйлесімділігі, реттеудің ашықтығы және ережелердің болжамдылығы шешуші рөл атқарады.
Кеңес отырысы ЕАЭО елдерінің неғұрлым терең әрі нәтижеге бағытталған ынтымақтастыққа дайын екенін көрсетті. Бұл Қазақстан үшін еуразиялық экономикалық кеңістіктегі өз рөлін күшейтуге және өңірлік тұрақтылықтың маңызды драйверіне айналуға мүмкіндік береді.
Жанна Ермекова
Экономика және бизнес жоғары мектебінің деканы м.а.
Әл-Фараби атындағы ҚазҰУ
