AZAL әуе компаниясының вице-президенті Ильхам Амиров Ақтау маңында болған әуе апатының себептерін зерттеу бірнеше жылға созылуы мүмкін екенін мәлімдеді, деп хабарлайды "Адырна" ұлттық порталы Ұлысмедиаға сілтеп.
Амировтың айтуынша, апат себептерін терең талдау үшін ұшақ бөліктерін, құрал-жабдықтарын және агрегаттарын арнайы институттарда зерттеу қажет болуы мүмкін. Бұл процесс өте ұзақ уақыт алуы мүмкін. Дегенмен, әлемдік тәжірибеде әуе апаттарын тергеуге әдетте бір жыл уақыт бөлінеді. Бірақ нақты қажеттілік туындаған жағдайда тергеу ұзаққа созылуы мүмкін.
«Нәтижелер өте маңызды. Олар кейіннен барлық авиациялық ұйымдарға жарияланады, осылайша ұқсас жағдайлардың болмауына жол беріледі. Шектеулер жоқ. Егер зерттеу белгілі бір ұшақ бөлігіне немесе агрегатқа қатысты жүргізілсе, оларды арнайы институттарда «тазалау» қажет болады, бұл көп уақыт алады», – деді Амиров media.az порталына берген сұхбатында.
Еске салсақ, 25 желтоқсан 2024 жылы Баку – Грозный рейсін орындаған AZAL ұшағы Ақтау маңында құлаған. Ұшақта барлығы 67 адам болған. Апат салдарынан 38 адам қаза тауып, оның ішінде екі пилот және бір экипаж мүшесі бар.
