الماتىدا قاڭتار وقيعاسى كەزىندە قازا تاپقان ءتورت جاسار قىزدىڭ پورترەتى بەينەلەنگەن قابىرعا سۋرەتى پايدا بولىپ، قايتادان ءوشىرىلىپ تاستالدى، دەپ حابارلايدى “ادىرنا” ۇلتتىق پورتالى.
سۋرەتتى ايكوركەمنىڭ اكەسىنىڭ قىزىنا ارناپ شىعارعان «قاي اعا ماعان وق اتقان؟» ولەڭىنىڭ ءسوزى جازىلعان.
"ەركەسى ەدىم ۇيدەگى،
دەۋشى ەدى ءبارى بوتاقان.
قۋانۋشى ەدى ۇلكەندەر،
بەردى دەپ سەنى جاراتقان.
الاڭسىز كەلە جاتقاندا،
قاي اعا ماعان وق اتقان؟
اتىپسىڭ دالدەپ مىلتىقتى،
الدى-ارتىڭا قاراماي.
وسىنشا نەگە وشىكتىڭ
كىپ-كىشكەنتاي بالاعا-اي؟
نە كىنام مەنىڭ بار ەدى
ءولتىردىڭ نەگە، اعاتاي؟!"
مۋرال جاروكوۆ پەن مىڭباەۆ كوشەلەرىنىڭ قيىلىسىندا ورنالاسقان قابىرعاعا سالىنعان ەدى. بىراق ونى قايتا بوياپ، ءوشىرىپ تاستادى...
”ادىرنا” ۇلتتىق پورتالى
