قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ اقمولا وبلىسى بويىنشا دەپارتامەنتى تابيعي مونوپوليالار سالاسىنداعى ءتيىمدى رەتتەۋدى قامتاماسىز ەتىپ، ەكونوميكانىڭ مونوپوليالىق سەكتورىندا اشىقتىق پەن تۇراقتىلىقتى ارتتىرۋعا باعىتتالعان شارالار قابىلداۋدا. بۇل تۋرالى وبلىستاعى دەپارتامەنت باسشىسى اسىلبەك قۋاندىقۇلى بريفينگتە مالىمدەدى، دەپ حابارلايدى وڭىرلىك كوممۋنيكاتسيالار قىزمەتىنەن.
دەپارتامەنتتىڭ باستى مىندەتى — حالىقتىڭ مۇددەسىن قورعاۋ، تاريف ساياساتىن تۇراقتاندىرۋ، ەنەرگيا مەن رەسۋرستاردى ۇنەمدەۋدى ناسيحاتتاۋ، سونداي-اق ينۆەستيتسيالىق تارتىمدىلىقتى ارتتىرۋ بولىپ تابىلادى. مەملەكەت باسشىسىنىڭ تاپسىرمالارىنا سايكەس، تابيعي مونوپوليالار تۋرالى زاڭعا ەنگىزىلگەن وزگەرىستەر اشىقتىقتى ارتتىرىپ، تۇتىنۋشىلاردىڭ قاراجاتىن ماقساتتى پايدالانۋعا باقىلاۋدى كۇشەيتۋگە مۇمكىندىك بەردى.
اقمولا وبلىسىندا 71 تابيعي مونوپوليالار سۋبەكتىسى قىزمەت كورسەتەدى، ولار 165 رەتتەلەتىن قىزمەت ءتۇرىن ۇسىنادى. بۇل قىزمەتتەرگە جىلۋمەن قامتاماسىز ەتۋ ، ەلەكتر ەنەرگياسىن بەرۋ جانە تاراتۋ، سۋمەن قامتاماسىز ەتۋ جانە سۋدى بۇرۋ ، پودەزد جولدارى ، گازدى تاسىمالداۋ، سۋ اعىندارىن رەتتەيتىن گيدروتەحنيكالىق قۇرىلعىلار ، سونداي-اق قوعامدىق ماڭىزدى نارىقتاعى 9 سۋبەكت كىرەدى.
تابيعي مونوپوليالار تۋرالى زاڭعا سايكەس، دەپارتامەنت تابيعي مونوپوليالار سۋبەكتىلەرىنىڭ جىلدىق تاريفتىك سمەتالاردىڭ ورىندالۋىن باقىلاپ، ەسەپتەردى تەكسەرىپ وتىرادى. ماسەلەن، وتكەن جىلى تابيعي مونوپوليالار سۋبەكتىلەرىنىڭ ورىندالماعان تاريفتىك سمەتالارى 1,6 ميلليارد تەڭگەنى قۇراعان، ال بيىلعى جىلى بۇل كورسەتكىش 1,86 ميلليارد تەڭگەگە جەتتى. بۇل قارجى تۇتىنۋشىلارعا ۋاقىتشا كومپەنساتورلىق تاريفتەر ارقىلى قايتارىلدى.
ينۆەستيتسيالىق باعدارلامالار اياسىندا 2024 جىلى اقمولا وبلىسىندا ينفراقۇرىلىمنىڭ توزۋ دەڭگەيى جوعارى. وسىعان وراي، «ينۆەستيتسياعا ايىرباس ءتاريفى» باعدارلاماسى اياسىندا 5,1 ملرد تەڭگەگە ينۆەستيتسيالار ەنگىزىلدى. كەلەسى جىلى 2 620 كم ينفراقۇرىلىم جاڭارتىلىپ، 15,4 ملرد تەڭگە جۇمسالادى
جالاقىنىڭ ءوسۋى دە نازار اۋدارارلىق ماسەلە ەكەنىن ايتتى دەپارتامەنت باسشىسى.
«2024 جىلى جىلۋ، سۋ جانە ەلەكتر ەنەرگياسى سالالارىندا قىزمەتكەرلەردىڭ جالاقىسى 47%-دان 116%-عا دەيىن ارتتى. الەۋمەتتىك نورمالار ەنگىزىلىپ، تۇرعىندار ءۇشىن جىلۋ، سۋ جانە كارىز قىزمەتتەرى بويىنشا تولەمدەرگە جەڭىلدىكتەر ۇسىنىلدى، بۇل ەنەرگيا مەن رەسۋرستاردى ۇنەمدەۋدى ىنتالاندىرۋ ماقساتىندا جۇزەگە اسىرىلۋدا»،- دەيدى اسىلبەك قۋاندىقۇلى.
جالپى اقمولا وبلىسىندا تابيعي مونوپوليالار سالاسىنداعى ءتيىمدى رەفورمالار تۇتىنۋشىلارعا ساپالى قىزمەت كورسەتۋ، ينفراقۇرىلىمدى جاڭعىرتۋ جانە الەۋمەتتىك جاعدايدى جاقسارتۋ ءۇشىن جاسالۋدا.
