رەسپۋبليكا كۇنى قارساڭىندا كوكشەتاۋ قالاسىنا قاراستى كراسنىي يار اۋىلىندا ءۇش قاباتتى العاشقى مەديتسينالىق-سانيتارلىق كومەك كورسەتۋ ورتالىعىنىڭ كۇردەلى جوندەۋى اياقتالدى. دەنساۋلىق ساقتاۋ نىسانىنا شامامەن 15 مىڭ ادام تىركەلگەن. ەم-دوم قىزمەتى تەك جەرگىلىكتى تۇرعىندارعا عانا ەمەس، جاقىن ماڭداعى اۋىلداردىڭ تۇرعىندارىنا دا كورسەتىلەدى.
جوندەۋ بارىسىندا شاتىر، تەرەزەلەر جانە ەسىكتەر جاڭارتىلىپ، جىلۋ جانە دىبىس وقشاۋلاۋى جاقسارتىلدى، پالاتالار، كابينەتتەر، وپەراتسيالىق زالدار جوندەلدى.
جابدىق قورىن جاڭارتۋعا ەرەكشە نازار اۋدارىلدى: جاڭا مەديتسينالىق جابدىقتار ورناتىلىپ، جەلدەتۋ، ەلەكترمەن قۋاتىمەن جانە سۋمەن قامتۋ جۇيەلەرى جاڭارتىلدى، بۇل مەديتسينالىق قىزمەتتەردىڭ ساپاسى مەن تيىمدىلىگىن ارتتىرۋعا مۇمكىندىك بەرەدى.
اقمولا وبلىسىنىڭ اكىمى مارات احمەتجانوۆ جاڭارتىلعان ورتالىقتى ارالاپ، جۇمىس ناتيجەلەرىمەن تانىستى. ول مەديتسينالىق نىسانداردى جاڭعىرتۋ ءوڭىردىڭ باسىم مىندەتى ەكەنىن اتاپ ءوتتى.
«جاڭارتىلعان ورتالىق – بۇل پاتسيەنتتەر مەن مەديتسينالىق پەرسونال ءۇشىن جايلى جانە قاۋىپسىز جاعدايلاردى قامتاماسىز ەتۋگە جاسالعان قادام. جاڭا جابدىقتار مەن جاقسارتىلعان جۇمىس جاعدايلارىنىڭ ارقاسىندا دارىگەرلەر ساپالى ءارى جەدەل قىزمەت كورسەتە الادى. قازاقستان رەسپۋبليكاسىنىڭ پرەزيدەنتى مەديتسينا سالاسىنىڭ دامۋىنا ەرەكشە نازار اۋدارىپ كەلەدى. ونىڭ تاپسىرماسىمەن وڭىردە حالىقتىڭ ءومىر ءسۇرۋ ساپاسىن جاقسارتۋ ءۇشىن مەديتسينالىق نىسانداردى جاڭعىرتۋ جالعاسۋدا»، – دەپ اتاپ ءوتتى م.احمەتجانوۆ.
كراسنىي يار اۋىلىنىڭ تۇرعىنى بازارباي ءابۋوۆ كورسەتىلگەن قامقورلىق پەن حالىقتىڭ ءومىر ءسۇرۋ دەڭگەيىن ارتتىرۋعا باعىتتالعان جۇمىس ءۇشىن العىس ءبىلدىردى.
ايتا كەتۋ كەرەك، بيزنەستىڭ الەۋمەتتىك جاۋاپكەرشىلىگى اياسىندا مەردىگەر ۇيىم جارىقتاندىرۋ جانە جالپى قۇرىلىس جۇمىستارىن جۇرگىزدى.
