بۇگىن جامبىل وبلىسىنىڭ اۋماعىندا جەر سىلكىنىسى تىركەلدى، دەپ حابارلايدى "ادىرنا" ۇلتتىق پورتالى قازاقستاننىڭ ۇلتتىق دەرەكتەر ورتالىعىنا سىلتەمە جاساپ.
اقپاراتقا سايكەس، 18 جەلتوقسان كۇنى استانا ۋاقىتىمەن ساعات 18:11-دە تاراز قالاسىنان شامامەن 108 شاقىرىم باتىستا جەر سىلكىنىسى بولعان.
ەپيتسەنتردىڭ كوورديناتتارى: سولتۇستىك ەندىك 42.82 گرادۋس، شىعىس بويلىق 70.22 گرادۋس. ماگنيتۋداسى – 3,6. ەنەرگەتيكالىق كلاسى – 8,5. تەرەڭدىگى – 8 كيلومەتر.
زارداپ شەككەندەر مەن قيراۋلار تۋرالى اقپارات تۇسكەن جوق.
ايتا كەتەيىك، بۇگىن قازاقستاندىق سەيسمولوگتار قىتاي اۋماعىندا دا جەر سىلكىنىسىن تىركەگەنى تۋرالى جازعان ەدىك.
