ۇكىمەت قازاقستاننىڭ ۋاقىت بەلدەۋىنىڭ ەل تۇرعىندارىنا اسەرىن زەرتتەۋگە 100 ملن تەڭگەدەن استام قارجى جۇمساماق. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى، دەپ حابارلايدى "ادىرنا" ۇلتتىق پورتالى.
ءمينيستردىڭ ايتۋىنشا، بۇگىنگى كۇنى زەرتتەۋ ءۇشىن 160 ميلليون تەڭگەگە ءوتىنىم تۇسكەن. بىراق قاراجات 90-100 ميلليون تەڭگەگە دەيىن قىسقارۋى مۇمكىن. جۋىردا وتكەن جوعارى عىلىمي-تەحنيكالىق كوميسسيانىڭ وتىرىسى وتكەن. ەندى كونكۋرس جاريالانادى. ۇلتتىق عىلىمي كەڭەس زەرتتەۋدىڭ ناقتى قۇنىن انىقتايتىن بولادى.
ساياسات نۇربەك بۇل زەرتتەۋگە جۇمسالاتىن قاراجاتتىڭ بوسقا كەتپەيتىنىن اتاپ ءوتتى.
"قوعامدىق سۇرانىس بولدى، سوندىقتان ءبىز جاۋاپ بەرۋگە ءماجبۇرمىز. دەنساۋلىق ساقتاۋ مينيسترلىگى تولىق قولداۋ ءبىلدىردى، ال ءبىز گرانت بولەتىن ۇيىم رەتىندە بۇل جوبانى قولدادىق”، - دەدى ساياسات نۇربەك.
