توتەنشە جاعدايلار مينيسترلىگى 2024 جىلعى 21 قاراشادا ەلىمىزدىڭ بارلىق ايماقتارىندا ازاماتتىق قورعانىس جۇيەسىنىڭ دابىل سيرەنالارى ىسكە قوسىلاتىنىن مالىمدەدى، دەپ حابارلايدى "ادىرنا" ۇلتتىق پورتالى.
بۇل شارا رەسپۋبليكالىق «قىس-2024» كوماندالىق-شتابتىق وقۋ-جاتتىعۋىنا بايلانىستى وتكىزىلەدى. وقۋ-جاتتىعۋلار 21-22 قاراشا ارالىعىندا ۇيىمداستىرىلادى. ال رەسپۋبليكالىق شتاب اقمولا وبلىسىنىڭ كوكشەتاۋ قالاسىندا ورنالاسادى.
مۇنداي شارالار ازاماتتىق قورعانىس جۇيەسىنىڭ جۇمىسقا دايىندىعىن تەكسەرۋ جانە توتەنشە جاعدايلار كەزىندە حالىقتى جەدەل اقپاراتتاندىرۋ ماقساتىندا وتكىزىلەدى. مينيسترلىك بۇل تەكسەرۋ جوسپارلى سيپاتتا ەكەنىن جانە حالىققا قاۋىپ توندىرمەيتىنىن اتاپ ءوتتى. تۇرعىندار دابىل كەزىندە سابىر ساقتاپ، رەسمي اقپاراتتى تەلەارنالار مەن راديودان تىڭداۋى قاجەت.
