ەرەيمەنتاۋ اۋدانىنىڭ تۇرعىنى ينتەرنەتتەن ۇيرەنىپ، ەسىرتكى قۇرامداس وسىمدىكتەردى ءوسىرىپ، فيتولابوراتوريا قۇرعان، دەپ حابارلايدى «ادىرنا» ۇلتتىق پورتالى.
بۇل تۋرالى ايماقتىق پوليتسيا دەپارتامەنتىنىڭ ءباسپاسوز قىزمەتى حابارلادى.
«ەرەيمەنتاۋ اۋدانى اۋماعىندا ۋچاسكەلىك ينسپەكتورلار «قۇقىقتىق ءتارتىپ» جەدەل-الدىن الۋ شاراسى اياسىندا زاڭسىز فيتولابوراتوريا جۇمىسىن توقتاتتى»، – دەلىنگەن ءباسپاسوز حابارلاماسىندا.
تەكسەرۋ بارىسىندا پوليتسيا قىزمەتكەرلەرى ەسىرتكى قۇرامداس وسىمدىكتەر وسىرىلگەن ىدىستار مەن وڭدەلگەن شيكىزاتتى تاركىلەدى. شيكىزاتتىڭ ناقتى قۇرامى مەن سالماعىن سوت-حيميالىق ساراپتاما انىقتايدى.
«كۇدىكتىنىڭ ايتۋىنشا، وسىمدىكتەردىڭ تۇقىمىن ول جاز مەزگىلىندە ءوزى جيناپ، ارنايى بولمە دايىنداعان. قاجەتتى جابدىقتاردى: شامدار، تەرمورەگۋلياتورلار، جەلدەتكىشتەر ساتىپ العان. ەسىرتكى قۇرامداس وسىمدىكتەرگە قالاي كۇتىم جاساۋ جانە ولاردان شيكىزات دايىنداۋ تۋرالى اقپاراتتى ول ينتەرنەتتەن العان»، – دەپ ءتۇسىندىردى پوليتسيا دەپرتامەنتى.
قازىرگى ۋاقىتتا وسى فاكتى بويىنشا سوتقا دەيىنگى تەرگەۋ امالدارى جۇرگىزىلۋدە.
