استانادا قاتتى جەلدىڭ سالدارىنان مۇنارالى كران قۇلادى. بۇل وقيعا «ريو-دە-جانەيرو» تۇرعىن ءۇي كەشەنىنىڭ قۇرىلىس الاڭىندا بولدى، دەپ حابارلايدى "ادىرنا" ۇلتتىق پورتالى Tengrinews-كە سىلتەمە جاساپ.
قازاقستاننىڭ توتەنشە جاعدايلار مينيسترلىگىنىڭ ونەركاسىپتىك قاۋىپسىزدىك كوميتەتىنىڭ مالىمەتىنە سايكەس، كراننىڭ قۇلاۋى جەلدىڭ كۇرت كۇشەيۋى مەن ۋاقىتىندا بەكىتىلمەۋىنەن بولعان.
«سارىاركا اۋدانىندا، سۇلتان بەيبارىس كوشەسى، 25/4 مەكەنجايىندا ورنالاسقان "ريو-دە-جانەيرو" قۇرىلىس الاڭىندا (جالپى مەردىگەرى G-park جشس) داۋىلدى جەلدىڭ اسەرىنەن كب-405 ماركالى كران قۇلادى. قۇرباندار مەن جاراقات العاندار جوق. وقيعا ورنىنا دەپارتامەنت ينسپەكتورلارى جىبەرىلدى. الدىن الا سەبەبى – جەلدىڭ كۇرت كۇشەيۋى مەن كراننىڭ ۋاقىتىندا بەكىتىلمەۋى»، - دەلىنگەن تجم ونەركاسىپتىك قاۋىپسىزدىك كوميتەتىنىڭ بەرگەن مالىمەتىندە.
رەسمي دەرەكتەر بويىنشا، وقيعانى تەرگەۋ ءۇشىن ارنايى كوميسسيا قۇرىلۋدا.
