قازاقستان پرەزيدەنتى قاسىم-جومارت توقاەۆ «ورتا ءدالىزدىڭ» الەۋەتىن تولىق پايدالانۋ قاجەتتىلىگىن اتاپ ءوتتى. بۇل ءدالىز تۇرىك الەمىنىڭ ءارى قارايعى ەكونوميكالىق دامۋى ءۇشىن ستراتەگيالىق ماڭىزدى بولىپ تابىلادى. قازاقستان پرەزيدەنتى وسى ماسەلەگە قاتىستى پىكىرىن تۇركى مەملەكەتتەرى ۇيىمىنىڭ 11 سامميتىندە جەتكىزدى، دەپ حابارلايدى "ادىرنا" ۇلتتىق پورتالى.
سامميتتە توقاەۆ قازاقستاننىڭ تۇركى مەملەكەتتەرى ۇيىمىنداعى توراعالىعىنىڭ ناتيجەلەرىن قورىتىندىلادى. ونىڭ ايتۋىنشا، قازاقستان توراعالىعى كەزىندە TURKTIME ۇرانىمەن بىرقاتار ماڭىزدى جوبالار جۇزەگە اسىرىلىپ، 80-نەن استام ءىس-شارا ۇيىمداستىرىلعان. استانادا وتكەن V دۇنيەجۇزىلىك كوشپەندىلەر ويىندارى مەن ورتاق تۇرىك ءالفاۆيتىنىڭ قابىلدانۋى ماڭىزدى تاريحي وقيعالار بولدى. بۇدان باسقا، تۇراقتى وكىلدەر ينستيتۋتى قۇرىلدى. تمۇ-نا قاتىستى ەرەجەلەر دايىندالىپ، بەكىتۋگە جىبەرىلدى.
مەملەكەت باسشىسى قارجى جانە ينۆەستيتسيالار سالاسىنداعى ىنتىماقتاستىقتى تەرەڭدەتۋدىڭ ماڭىزدىلىعىن دا اتاپ ءوتتى. ونىڭ ايتۋىنشا، بۇل ماسەلەدە تۇركى ينۆەستيتسيالىق قورى ەرەكشە ءرول اتقارا الادى. ول سونداي-اق بارلىق تاراپتار ورتالىق بانكتەر كەڭەسىن قۇرۋ باستاماسىن ءبىراۋىزدان قولداعانىن حابارلادى.
كوپشىلىك «ورتا ءدالىز» دەپ اتاپ كەتكەن ترانسكاسپي حالىقارالىق كولىك جولى – قىتايدى ورتالىق ازيا، كاۆكاز، تۇركيا، سونداي-اق شىعىس ەۋروپا ارقىلى ەۋروپا وداعىمەن بايلانىستىراتىن تەمىرجولداعى كونتەينەرلىك جۇك تاسىمالداۋ جەلىسى. بۇل كوپجاقتى دامۋ جوباسى سانالادى. رەسەيدىڭ سانكتسياعا ۇشىراعان ءترانسسىبىر باعىتىنا بالاما، قىسقا جول.
