بۇگىن، 4 قاراشادا تۇركيا پرەزيدەنتى رەجەپ تايىپ ەردوعان تۇركى مەملەكەتتەرى ۇيىمى باسشىلارىنىڭ 11-ءشى سامميتىنە قاتىسۋ ءۇشىن قىرعىزستانعا جول الدى، دەپ حابارلايدى «ادىرنا» ءتىلشىسى.
ول جەرگىلىكتى ۋاقىت بويىنشا ساعات 13.20-دا ىستامبۇلداعى اتاتۇرىك اۋەجايىنان ۇشىپ كەتتى. مەملەكەت باسشىسىن گۋبەرناتور داۆۋت گۇل مەن باسقا دا رەسمي تۇلعالار شىعارىپ سالدى.
بۇعان دەيىن پرەزيدەنت اكىمشىلىگىنىڭ سىرتقى ساياسات ءبولىمىنىڭ جەتەكشىسى مۇراتبەك ازىمباكيەۆ ساپار بارىسىندا قىرعىزستان مەن تۇركيا باسشىلارى شاعىن قۇرامدا كەزدەسەتىنىن مالىمدەگەن ەدى. ودان بولەك، ستراتەگيالىق ىنتىماقتاستىق جونىندەگى جوعارعى كەڭەستىڭ التىنشى وتىرىسىن وتكىزىلۋ جوسپارلانىپ وتىر.
تۇركيا پرەزيدەنتى بۇل ەلگە سوڭعى رەت 2018 جىلى بارعان بولاتىن.
ايتا كەتەيىك، 6 قاراشادا بىشكەك قالاسىندا تۇركى مەملەكەتتەرى ۇيىمى باسشىلارىنىڭ 11-ءشى ءسامميتى وتەدى. وعان قازاقستان، ازەربايجان، تۇركيا جانە وزبەكستان پرەزيدەنتتەرى، سونداي-اق تمۇ باقىلاۋشى ەلدەرىنىڭ مەملەكەت، ۇكىمەت باسشىلارى جانە تمۇ باس حاتشىسى قاتىسادى دەپ جوسپارلانىپ وتىر.
باسشىلار ەكونوميكا، ساۋدا، تسيفرلىق ترانسفورماتسيا، كولىك جانە قاۋىپسىزدىك سالالارىنداعى تمۇ جوبالارىنا قاتىستى رەسمي قۇجاتتاردى بەكىتپەك.
