مولدوۆانىڭ ءىس باسىنداعى پرەزيەندتى مايا ساندۋ پرەزيدەنت سايلاۋىنىڭ ەكىنشى كەزەڭىندە جەڭىسكە جەتتى. بۇل تۋرالى ەلدىڭ ورتالىق سايلاۋ كوميسسياسى ايتتى، دەپ حابارلايدى «ادىرنا» ءتىلشىسى.
رەسمي مالىمەتتەرگە سۇيەنسەك، داۋىس بەرۋگە قاتىسقان سايلاۋشىلاردىڭ 55 پايىزى ساندۋدى قولداعان. ال ەلدىڭ بۇرىنعى باس پروكۋرورى الەكساندر ستويانوگلو 45 پايىز داۋىس جينادى.
«مولدوۆا ەۋروپا تاريحىندا بۇرىن-سوڭدى بولماعان شابۋىلعا ۇشىرادى. داۋىستى زاڭسىز ساتىپ الۋ، قىلمىستىق توپتاردى تارتۋ مەن فەيك حابارلامالاردى تاراتۋ سىندى ارەكەتتەر قوعام نارىزىلىعى مەن قورقىنىشىن تۋدىردى. دەسە دە، ءبىز جەڭىسكە جەتتىك. بىرلىگىمىزدىڭ، دەموكراتيامىزدىڭ جانە بولاشاققا دەگەن ادالدىعىمىزدىڭ كۇشىن بىرگە كورسەتتىك»،—دەپ پىكىر ءبىلدىردى مايا ساندۋ.
ايتا كەتەيىك، قازىرگى پرەزيدەنت مايا ساندۋ 20 قازاندا وتكەن پرەزيدەنت سايلاۋىنىڭ العاشقى تۋرىندا 42 پايىز داۋىسپەن رەسەيشىل مولدوۆانىڭ سوتسياليستىك پارتياسىنىڭ كانديداتى الەكساندر ستويانوگلودان باسىم تۇسكەن بولاتىن. بۇعان دەيىن باسشى ەلدىڭ ەۋرووداققا بەت بۇرعانىن قالايتىنىن مالىمدەگەن ەدى.
ەۋروپاداعى ەڭ كەدەي ەلدەردىڭ ءبىرى سانالاتىن مولدوۆادا 3,02 ملن سايلاۋشى تىركەلگەن.
