6 qarashada Bishkek qalasynda Túrki memleketteri uıymy basshylarynyń 11 sammıti ótedi. Oǵan Qazaqstan, Qyrǵyzstan, Ázerbaıjan, Túrkismenstan, Túrkııa jáne Ózbekstan prezıdentteri, Vengrııa premeri jáne TMU Bas hatshysy qatysady dep josparlanyp otyr. Qazaqstan prezıdenti Qasym-Jomart Toqaev 5-6 qarashadaǵy Franııaǵa memlekettik saparynan keıin Bishkekke barmaq.
Basshylar ekonomıka, saýda, ıfrlyq transformaııa, kólik jáne qaýipsizdik salalaryndaǵy TMU jobalaryna qatysty resmı qujattardy bekitpek.
Búgin, 4 qarashada Túrkııa prezıdenti Rejep Taıyp Erdoǵan Túrki memleketteri uıymy basshylarynyń 11-shi sammıtine qatysý úshin Qyrǵyzstanǵa saparlady, dep habarlaǵan resmı BAQ.
Ol jergilikti ýaqyt boıynsha saǵat 13.20-da Ystambuldaǵy Atatúrik áýejaıynan ushyp ketti. Memleket basshysyn gýbernator Davýt Gúl men basqa da resmı tulǵalar shyǵaryp saldy.
Buǵan deıin Qyrǵyzstan prezıdent ákimshiliginiń syrtqy saıasat bóliminiń jetekshisi Muratbek Azymbakıev sapar barysynda Qyrǵyzstan men Túrkııa basshylary shaǵyn quramda kezdesetinin málimdegen edi. Odan bólek, strategııalyq yntymaqtastyq jónindegi joǵarǵy keńestiń altynshy otyrysyn ótkizilý josparlanyp otyr.
Túrkııa prezıdenti bul elge sońǵy ret 2018 jyly barǵan bolatyn.
