«Amanat» پارتياسى فراكتسياسىنىڭ جەتەكشىسى ەلنۇر بەيسەنباەۆ ونەركاسىپ جانە قۇرىلىس ءمينيسترى قانات شارلاپاەۆقا اۋىز سۋعا بايلانىستى سۇراق قويدى، دەپ حابارلايدى "ادىرنا" ۇلتتىق پورتالى.
«2025 جىلى مەملەكەت باسشىسى بۇكىل اۋىل مەن ەلدىمەكەندى 100 پايىز اۋىز سۋمەن قامتاماسىز ەتۋدى تاپسىردى. بيىلعى بيۋدجەتتىك جوبادا بولىنەتىن قاراجاتتى ەسەپكە الاتىن بولساق، مەملەكەت باسشىسىنىڭ بۇل تاپسىرماسى ۋاقىتىلى ورىندالمايتىن ءتۇرى بار. ءبىز بارلىق اۋىلداردى ەسەپكە الىپ، 80 ميللياردقا جۋىق قاراجاتتى «امانات» پارتياسى اتىنان ارنايى وتىرعىزدىق. سونىڭ وزىندە بۇل بيۋدجەتتىڭ جوباسىندا سىزدەر 15 ميلليارد قاراجاتتى قولداپ وتىرسىزدار. سونداي-اق كەيبىر وڭىرلەر ءتىپتى مەملەكەت باسشىسىنىڭ تاپسىرماسىن ىسىرىپ قويىپ، جوبالىق-سمەتالىق قۇجاتتارىن جاساماعان. ياعني، بۇل ۇكىمەت تاراپىنان باقىلاۋدىڭ اىلسىزدىگى دەپ ەسەپتەيمىن. نە ولار دايىنداماعان، نە مەملەكەت باسشىسىنىڭ تىكەلەي تاپسىرماسى 5 مىڭ حالىقتان اساتىن تۇرعىنى بار اۋىلداردىڭ بارلىعى سۋسىز قالۋى كەرەك؟
بۇدان بولەك جوعارى پالاتانىڭ ەسەبى بويىنشا سۋى جەتكىزىلگەن اۋىلداردىڭ شامامەن 13 پايىزى قازىر قايتا جوندەۋدى قاجەت ەتەدى. ياعني، ولاردا سۋ جەتىسپەيدى. تۇركىستان مەن سولتۇستىك قازاقستان وبلىسى سەكىلدى 7 وڭىردە ءالى كۇنگە دەيىن اربامەن سۋ ءىشىپ وتىرعان ادامدار بار.
سول سەبەپتەن وسى جوبانى اياقتاۋ جوسپارلارىڭىزدا بار ما؟ ەگەر دە بۇل جوبانى 2025 جىلى سىزدەر شامامەن 100 ميلليارد تەڭگە قارجى ءبولىپ، مەملەكەت باسشىسىنىڭ تاپسىرماسىن تولىعىمەن اياقتاماساڭىزدار بۇل ماسەلەدە جاۋاپكەرشىلىكتى كىم موينىنا الادى؟»، – دەدى ءماجىلىس دەپۋتاتى.
قانات شارلاپاەۆتىڭ ايتۋىنشا، اۋىز سۋمەن قامتاماسىز ەتۋ ماسەلەسى ءمينيستردىڭ باستى باقىلاۋىندا.
«قازىرگى تاڭدا بيۋدجەتتىڭ جوباسىندا 79 ميلليارد تەڭگە كوزدەلگەن. بۇل 116 جوبانى ىسكە اسىرۋعا جەتەدى. دەپۋتاتتاردىڭ قولداۋىمەن تاعى 15 ميلليارد قوسىلدى. وسى قاراجاتتى 106 جوباعا بولەتىن بولامىز. ارينە باسقا قاراجات كوزدەرىن ىزدەۋ قاجەت بولادى. پرەزيدەنتتىڭ تاپسىرماسىن ارينە ورىندايمىز. ەڭ الدىمەن 2025 جىلدىڭ بيۋدجەتىن ناقتىلاۋ كەزىندە وسى ماسەلەنى تاعى قاراستىراتىن بولامىز. ال جوبالىق-سمەتالىق قۇجات بويىنشا بىرنەشە وڭىرلەر كەشىگىپ كەلە جاتىر. وسى جۇمىستار جەكە باقىلاۋىمدا. اپتا سايىن وسى بويىنشا جۇمىستار جۇرگىزىپ جاتىرمىز. وسى جىلدىڭ سوڭىنا دەيىن جوبالىق-سمەتالىق قۇجات دايىن بولادى دەپ ويلايمىز. وسى ماسەلەنىڭ ماڭىزدىلىعىن ءبارىمىز تۇسىنەمىز. كەلەشەكتە قارجى مينيسترلىگىمەن بىرگە باسقا كوزدەن قاراجات قاراستىرامىز. پرەزيدەنتتىڭ تاپسىرماسى 2025 جىلدىڭ سوڭىنا دەيىن اياقتايتىن بولامىز»، – دەدى ول.
بۇگىن ءماجىلىستىڭ جالپى وتىرسىنا ۇكىمەت باسشىسى ولجاس بەكتەنوۆ باستاعان مينيسترلەر كابينەتىنىڭ مۇشەلەرى تۇگەل كەلدى. ءماجىلىستىڭ كۇن تارتىبىندە قر ۇلتتىق قورىنان 2025 – 2027 جىلدارعا ارنالعان كەپىلدەندىرىلگەن ترانسفەرت تۋرالى» قازاقستان رەسپۋبليكاسى زاڭىنىڭ جوباسى قارالىپ جاتىر.
