وقۋ-اعارتۋ مينيسترلىگى جامبىل وبلىسىنداعى وقيعاعا بايلانىستى مادەمدەمە جاسادى، دەپ حابارلايدى "ادىرنا" ۇلتتىق پورتالى.
«اتالعان فاكتىلەر بويىنشا قۇرامىندا جامبىل وبلىسى بالا قۇقىقتارى جونىندەگى ۋاكىل، ءبىلىم باسقارماسى، قر وقۋ-اعارتۋ مينيسترلىگىنىڭ اۋماقتىق دەپارتامەنتىنىڭ وكىلدەرى بار ارنايى جۇمىس توبى قۇرىلدى.
جۇمىس توبى اۋتودەسترۋكتيۆتىك مىنەز-قۇلىقتىڭ الدىن الۋ ماقساتىندا تۇيمەكەنت اۋىلىندا ورنالاسقان مەكەن-جايلاردى ارالاۋ ارقىلى مەكتەپ وقۋشىلارىنىڭ اتا-انالارىنا پسيحولوگيالىق پروفيلاكتيكا جۇرگىزىپ، وسى سىندى وقيعالاردى بولدىرماۋ ءۇشىن ارنايى كەڭەس وتكىزدى. ءبىلىم بەرۋ ۇيىمدارىنداعى پسيحولوگيالىق قىزمەتتىڭ جۇمىسى زەرتتەلدى. جاسوسپىرىمدەردىڭ وتباسىلارىنا پسيحولوگيالىق قولداۋ كورسەتىلدى. سونداي-اق، بالالاردىڭ جەكە پاراقشالارى زەرتتەلىپ، ويىندارعا قاتىسى بولۋى انىقتالعان جوق. جاسوسپىرىمدەر بۋللينگە ۇشىراماعان. قازىرگى تاڭدا اتالعان فاكتىلەر بويىنشا قىلمىستىق ءىس قوزعالىپ، قۇقىق قورعاۋ ورگاندارى تەرگەۋ امالدارىن جۇرگىزۋدە»، – دەپ جازادى مينيسترلىك.
جامبىل وبلىسى بايزاق اۋدانىنا قاراستى تۇيمەكەنت اۋىلىندا قازاننىڭ 26 كۇنى 15 جاسار، ال 27 كۇنى 16 جاستاعى وقۋشى اسىلىپ قايتىس بولعان ەدى. بۇل تۋرالى الەۋمەتتىك جەلى قولدانۋشىسى نۇرادين راحاي ءوز پاراقشاسىندا جازعان بولاتىن.
