بۇگىن ەلىمىزدىڭ ماڭىزدى مەرەكەلەرىنىڭ ءبىرى – رەسپۋبليكا كۇنى. وسىعان وراي سەمەي قالاسىنىڭ كوپىر استى كەڭىستىگىندە قازاقستان رەسپۋبليكاسىنىڭ مەملەكەتتىك تۋىن كوتەرۋ ءراسىمى ءوتتى. بۇل كۇننىڭ بارشا قازاقستاندىقتار ءۇشىن الاتىن ورنى ەرەكشە، ويتكەنى ول ۇلتتىڭ تاۋەلسىزدىگىن، ەگەمەندىگى مەن تۇتاستىعىن بىلدىرەدى. بۇل كۇن وتانداستارىمىزعا ەگەمەندىك جولىنداعى قيىندىقتار مەن كەدەرگىلەر، تاۋەلسىزدىكتەن كۇنى بۇگىنگە دەيىنگى جەتىستىكتەرىمىزدى ەسكە سالادى.
سالتاناتتى شاراعا 300-دەن اسا ادام قاتىستى. ولاردىڭ قاتارىندا وبلىس اكىمى نۇرلان ۇرانحاەۆ، وبلىستىق ءماسليحات توراعاسى قۋانىش سۇلەيمەنوۆ، وبلىستىق باسقارما باسشىلارى، ساياسي پارتيالار وكىلدەرى، دەپۋتاتتار، كۇشتىك قۇرىلىم قىزمەتكەرلەرى، قوعام بەلسەندىلەرى، جاستار جانە تۇرعىندار بار.
كوك بايراعىمىز مەملەكەتتىك ءانۇرانىمىز شىرقالۋىمەن كوتەرىلدى.
ايتا كەتۋ كەرەك، رەسپۋبليكا كۇنىنە وراي اباي وبلىسىندا 100-دەن استام ءىس-شارا ءوتىپ جاتىر.
