Búgin elimizdiń mańyzdy merekeleriniń biri – Respýblıka kúni. Osyǵan oraı Semeı qalasynyń kópir asty keńistiginde Qazaqstan Respýblıkasynyń Memlekettik Týyn kóterý rásimi ótti. Bul kúnniń barsha qazaqstandyqtar úshin alatyn orny erekshe, óıtkeni ol ulttyń táýelsizdigin, egemendigi men tutastyǵyn bildiredi. Bul kún otandastarymyzǵa egemendik jolyndaǵy qıyndyqtar men kedergiler, Táýelsizdikten kúni búginge deıingi jetistikterimizdi eske salady.
Saltanatty sharaǵa 300-den asa adam qatysty. Olardyń qatarynda oblys ákimi Nurlan Uranhaev, oblystyq máslıhat tóraǵasy Qýanysh Súleımenov, oblystyq basqarma basshylary, saıası partııalar ókilderi, depýtattar, kúshtik qurylym qyzmetkerleri, qoǵam belsendileri, jastar jáne turǵyndar bar.
Kók baıraǵymyz memlekettik Ánuranymyz shyrqalýymen kóterildi.
Aıta ketý kerek, Respýblıka kúnine oraı Abaı oblysynda 100-den astam is-shara ótip jatyr.
