رەسپۋبليكا كۇنى قارساڭىندا قاراعاندى وبلىسىنىڭ اكىمى ەرماعانبەت بولەكپاەۆ جالپىۇلتتىق مەرەكەمەن قۇتتىقتاپ، مەملەكەت باسشىسىنىڭ اتىنان ماراپاتتار تابىس ەتتى.
ەلدىڭ دامۋىنا قوسقان ۇلەسى ءۇشىن وبلىستىڭ 44 تۇرعىنىماراپاتتالدى.
ەرماعانبەت بولەكپاەۆ قازاقستان تاۋەلسىزدىك العاننان بەرى ورىن العان بىرقاتار ماڭىزدى ساياسي وزگەرىستەر مەن الەۋمەتتىك وزگەرىستەردى اتاپ ءوتتى.
– ءبىزدىڭ ايماققا تىكەلەي اسەر ەتكەن كەيبىر شەشىمدەردى ەرەكشە اتاپ وتكىم كەلەدى. بۇل مەتاللۋرگيا كومبيناتىنىڭ باس اكتسيونەرىنىڭ اۋىسۋى جانە قازاقستاندىق ينۆەستوردى تارتۋ. ناتيجەلەر قازىردىڭ وزىندە كورىنىپ كەلەدى. تەك وسى جىلدىڭ 8 ايىندا عانا زاۋىتتاعى ءوندىرىس كولەمى 11-دەن 21%-عا دەيىن ءوستى جانە ونىمەن شەكتەلىپ قالمايمىز. "قازاقستان حالقىنا" قورى ءبىزدىڭ وڭىردە ءتورت جوبانى جۇزەگە اسىرۋعا قولداۋ كورسەتتى. بۇل مەكتەپتەردى جاڭعىرتۋ جانە جوندەۋ، وقۋ كابينەتتەرىن وزگەرتۋ، پەداگوگتاردى وقىتۋ، ەرەكشە ءبىلىم بەرۋ قاجەتتىلىكتەرى بار بالالارعا بەيىمدەلگەن سپورت الاڭدارىن سالۋ جانە باسقا دا الەۋمەتتىك جوبالار، – دەيدى وبلىس اكىمى.
پرەزيدەنت جارلىعىمەن قاراعاندى وبلىسىنىڭ 44 تۇرعىنى ماراپاتتالدى. ولار "پاراسات", ءىى دارەجەلى "دوستىق", "قۇرمەت", ءىى جانە ءىىى دارەجەلى "ەڭبەك داڭقى" وردەندەرىمەن، "ەرىگى ءۇشىن", "ەرەن ەڭبەگى ءۇشىن", "شاپاعات" مەدالدارىمەن ماراپاتتالدى.
ماراپاتتالعانداردىڭ اراسىندا جۇمىسشىلار، كاسىپورىندار مەن ۇيىمداردىڭ باسشىلارى، ەڭبەك ارداگەرلەرى، مۇعالىمدەر، دارىگەرلەر، سپورتشىلار جانە باسقا سالالاردىڭ وكىلدەرى بار.
وبلىستىق بالالارعا ارناۋلى الەۋمەتتىك قىزمەت كورسەتۋ ورتالىعىنىڭ تاربيەشىسى ولگا كراۆتسوۆاعا "ەرەن ەڭبەگى ءۇشىن" مەدالى تابىستالدى. 30 جىلدان بەرى ول ەرەكشە بالالارمەن جۇمىس ىستەيدى.
– بۇل ماراپت مەن ءۇشىن – ەڭبەگىمدى، بالالارعا مۇمكىندىگىنشە سۇيىسپەنشىلىك پەن كوڭىل بولۋگە دەگەن ۇمتىلىسىمدى باعالاۋ. ءبىز 5 جاستان 18 جاسقا دەيىنگى بالالارمەن جۇمىس جاسايمىز. ولاردىڭ ءبىزدىڭ ورتالىقتا باقىتتى بولعانىن قالايمىن، – دەدى ولگا كراۆتسوۆا.
ءداستۇر بويىنشا سالتاناتتى جيىندا قاراعاندى وبلىسىنىڭ قۇرمەتتى ازاماتى اتاعىنا يە بولعاندار قۇرمەتكە يە بولدى. بۇل قازاقستان جۋرناليستەر وداعىنىڭ مۇشەسى، قر قۇرمەتتى ءجۋرناليستى ەكاتەرينا كۋزنەتسوۆا جانە ەڭبەك سىڭىرگەن جاتتىقتىرۋشى، سامبودان سپورت شەبەرى ديقانباي بيتكوزوۆ.
– بۇگىنگى اتاق – مەنىڭ 60 جىلدىق ەڭبەگىمنىڭ جەمىسى، – دەپ ەسەپتەيدى 83 جاستاعى ديقانباي بيتكوزوۆ. – مەنىڭ كوپتەگەن ماراپاتتارىم بار: "قازكسر ەڭبەك سىڭىرگەن مۇعالىمى", ەڭبەك قىزىل تۋ وردەنى، ەڭبەك ەرى. مەنىڭ ويىمشا، سپورتتا بيىكتەرگە جەتتىم. وسى ۋاقىتقا دەيىن 200-دەن استام سپورت شەبەرىن، 23 حالىقارالىق دەڭگەيدەگى سپورت شەبەرىن، 5 الەم چەمپيونىن، 20-دان استام ازيا چەمپيونىن دايىندادىم. مەن ءالى كۇنگە دەيىن جۇمىس ىستەيمىن جانە جاتتىقتىرامىن.
جيىن وبلىس ارتىستەرى مەن شىعارماشىلىق ۇجىمدارىنىڭ قاتىسۋىمەن وتكەن مەرەكەلىك كونتسەرتپەن اياقتالدى.
بۇعان دەيىن قازاقستان پرەزيدەنتى قاسىم-جومارت توقاەۆ تاعى التى قاراعاندىلىقتىڭ ەڭبەگىن جوعارى باعالادى.
"قازاقستاننىڭ ەڭبەك ەرى" اتاعى نۇرا اۋدانىنىڭ "شاحتەرسكوە" جشس ديرەكتورى گەورگي پروكوپقا بەرىلدى.
"قازاقستاننىڭ ەڭبەك سىڭىرگەن قايراتكەرى" قۇرمەتتى اتاعىن ق. بايجانوۆ اتىنداعى قاراعاندى كونتسەرتتىك بىرلەستىگىنىڭ "اراي" ءانسامبلىنىڭ كوركەمدىك جەتەكشىسى سەرجان مۇسايىن الدى.
"قازاقستاننىڭ حالىق ءارتىسى" قۇرمەتتى اتاعىنا ساكەن سەيفۋللين اتىنداعى تەاتر اكتەرى كەڭەس جۇمابەكوۆ، ال "قازاقستاننىڭ ەڭبەك سىڭىرگەن دارىگەرى" قۇرمەتتى اتاعى وبلىستىق كلينيكالىق اۋرۋحانانىڭ حيرۋرگيالىق ورتالىعىنىڭ جەتەكشىسى بوريس تسحايعا بەرىلدى.
"شاحتينسكايا" شاحتاسىنىڭ ۇڭگۋشىسى بولات مولدايتوۆقا پرەزيدەنت II دارەجەلى "ەڭبەك داڭقى" وردەنىن، ال "قازاقستان" شاحتاسىنىڭ ۇڭگۋشىسى ەركىن احمەتوۆكە "ەرلىگى ءۇشىن" مەدالىن تابىس ەتتى.
