استانادا قاشىقتان باقىلاۋشى سايلاۋشىلاردىڭ جەكە دەرەكتەرىن ءتۇسىردى دەپ ايىپتالدى، دەپ حابارلايدى «ادىرنا» ۇلتتىق پورتالى.
«استاناداعى №2 سايلاۋ ۋچاسكەسىندە «ەركىندىك قاناتى» قب وكىلى، بايقاۋشى ر.ق.سادىقوۆ سايلاۋشىلاردىڭ جەكە دەرەكتەرى بار سايلاۋشىلار تىزىمدەرىن بەينەتاسپاعا ءتۇسىرىپ، سايلاۋ پروتسەسىن بۇزدى. بۇل دەربەس دەرەكتەردى قورعاۋ تۋرالى زاڭنامانى ورەسكەل بۇزۋ بولىپ تابىلادى جانە «قازاقستان رەسپۋبليكاسىنداعى سايلاۋ تۋرالى» قر كونستيتۋتسيالىق زاڭىنا قايشى كەلەدى» - دەدى ۋچاسكەلىك كوميسسيانىڭ توراعاسى استانانىڭ №2 سايلاۋ ۋچاسكەسى حورلان تاشاتوۆا.
كوميسسيا باسشىسىنىڭ ايتۋىنشا، باقىلاۋشى باسقا باقىلاۋشىلاردىڭ جۇمىسىنا كەدەرگى كەلتىرىپ، كوميسسيا مۇشەلەرىمەن داۋلاسىپ، ءتارتىپ بۇزعان.
«وسى فاكت بويىنشا سايلاۋ پروتسەسىنە ارالاسۋ اكتىسى جاسالىپ، شەشىم شىعارىلدى»، - دەپ قورىتىندىلادى كوميسسيا.
