قازاقستاننىڭ حالىق ءارتيسى، مەملەكەتتىك سىيلىقتاردىڭ لاۋرەاتى، تەاتر ءارى كينو اكتەرى جانە رەجيسسەرى ءاسانالى ءاشىموۆ قازاقستاندا اەس سالۋ ماسەلەسى بويىنشا رەفەرەندۋمدا داۋىس بەردى.
قازاق كينوسىنىڭ اڭىزى جۇبايىمەن بىرگە ب.مومىشۇلى اتىنداعى № 131 مەكتەپ-ليتسەيىندە ورنالاسقان №382 سايلاۋ ۋچاسكەسىندە داۋىس بەردى.
ارتيست بۇل وقيعانىڭ ەلىمىز ءۇشىن ماڭىزدىلىعىن اتاپ ءوتتى.
«بۇل – ءبىزدىڭ ازاماتتىق بورىشىمىز، ونى ەلەۋسىز قالدىرۋعا بولمايدى. مەملەكەت حالىقتىڭ شەشىم قابىلداۋىنا مۇمكىندىك بەردى. سوندىقتان رەفەرەندۋمدا داۋىس بەرۋ ماڭىزدى. ەل وركەندەۋى كەرەك، بۇل ءبىزدىڭ قولىمىزدا!»، – دەدى ءاسانالى ءاشىموۆ.
ەستەرىڭىزگە سالا كەتەيىك، بۇگىن قازاقستاندا اتوم ەلەكتر ستانتسياسىن سالۋ ماسەلەسى بويىنشا رەسپۋبليكالىق رەفەرەندۋم ءوتىپ جاتىر. الماتى قالاسىنىڭ اكىمى ەربولات دوساەۆ جۇبايىمەن بىرگە تاڭەرتەڭ №48 مەكتەپ-ليتسەيىندە ورنالاسقان №388 سايلاۋ ۋچاسكەسىنە بارىپ، داۋىس بەردى. مەگاپوليستە 624 داۋىس بەرۋ ۋچاسكەسى جۇمىس ىستەيدى، ولار 20:00-گە دەيىن اشىق بولادى.
الماتى قالاسى وڭىرلىك كوممۋنيكاتسيالار قىزمەتى