باتىس قازاقستان وبلىسىنىڭ ەڭ قارت تۇرعىنى نۇرسۇلۋ توقجانوۆا رەفەرەندۋمدا ءوز داۋىسىن بەردى. 104 جاستاعى قاريا شىڭعىرلاۋ اۋىلىندا تۇرادى.
عاسىردان اسقان نۇرسۇلۋ اجەيدىڭ وتىنىشىنە وراي، №424 رەفەرەندۋم ۋچاسكەسىنىڭ مۇشەلەرى جىلجىمالى جاشىكتى ونىڭ ۇيىنە الىپ باردى. نۇرسۇلۋ اجەي ءالى دە تىڭ، بۇگىن بالالارىن سايلاۋ ۋچاسكەلەرىنە جىبەرىپ، ءوزى نەمەرە-شوبەرەلەرىن باعىپ قالىپتى. قاريا ۇلى وتان سوعىسى كەزىندە فزۋ-دا وقىپ، ستالينگراد زاۆودىندا جۇمىس جاسايدى. كەيىننەن شىڭعىرلاۋ اۋدانىنداعى قاراقاي ەلدىمەكەنىندە ۇزاق ۋاقىت تۇيە ساۋشى بولىپ ەڭبەك ەتتى. بۇگىندە 3 نەمەرە، 11 شوبەرە ءسۇيىپ وتىرعان باقىتتى اجە. كوپتى كورگەن كەيۋانانىڭ ەندىگى ارمانى - ەلدىڭ تىنىشتىعى مەن ۇرپاقتىڭ اماندىعى.
-تالاي سايلاۋلارعا قاتىسىپ ءجۇرمىن. داۋىس بەرۋ - ءاربىر ەلدىڭ تۇرعىنى ءۇشىن ماڭىزدى. ءبىز داۋىس بەرۋ ارقىلى بولاشاعىمىزدى تاڭدايمىز. بۇگىن مەن ءوز تاڭداۋىمدى جاسادىم. ەلىمىزدىڭ بولاشاعى، ۇرپاعىمىزدىڭ بولاشاعى ءۇشىن ەل پرەزيدەنتىنىڭ باستاماسىن قولدايمىن،- دەيدى قاريا.
