سەناتور TikTok الەۋمەتتىك جەلىسىن بۇعاتتاۋ قاجەت دەپ سانايتىنىن مالىمدەدى، دەپ حابارلايدى "ادىرنا" ۇلتتىق پورتالى.
سەناتور گەننادي شيپوۆسكيح پرەمەر-مينيستر ولجاس بەكتەنوۆكە جولداعان دەپۋتاتتىق ساۋالىندا TikTok-تى بۇعاتتاۋ كەرەك دەپ سانايتىنىن جەتكىزدى.
"TikTok الەۋمەتتىك جەلىسى الەمنىڭ تۇكپىر-تۇكپىرىندە ۇلكەن تانىمالدىلىققا يە. ەلىمىزدە دە بۇل جەلىنى قولدانۋشىلار سانى ارتپاسا، كەمىپ جاتقان جوق. كورشى ەلگە تيەسىلى بۇل پلاتفورمانى كەڭ كرەاتيۆتى جانردا جاسوسپىرىمدەردى كاسىپكە، بىلىمگە، ەل تاريحىنا قىزىقتىرۋعا پايدالانىپ تا ءجۇر. بىراق ونداي كونتەنت سانى وزگە كونتەنتپەن سالىستىرعاندا شولگە تامعان تامشىداي. TikTok-تاعى كونتەنتتىڭ باسىم بولىگى قانداي سارىندا ەكەنىن مەن ايتپاسام دا وزدەرىڭىز بايقاپ جۇرسىزدەر", - دەدى گەننادي شيپوۆسكيح.
سەناتور كوپتەگەن مەملەكەتتەردە TikTok-قا ءىشىنارا تىيىم سالىنىپ جاتقانىن مالىمدەدى. گەننادي شيپوۆسكيحتىڭ سوزىنشە، بۇل ماسەلەنىڭ ۇكىمەت مۇشەلەرىمەن بىرنەشە رەت كوتەرىلگەن. بىراق ءالى كۇنگە دەيىن ناتيجە بولماعان.
"TikTok پلاتفورماسى ەكسترەميزمدى، راديكاليزمدى، سەپاراتيزمدى، شەكتەن تىس قاۋىپتى جانە مورالدىق قۇندىلىقتارعا قايشى كونتەنتتەردى انىقتاۋ جانە شەكتەۋ بويىنشا ناقتى الگوريتمدى ۇسىنۋى كەرەك. TikTok پلاتفورماسى جاس بالالاردى ونلاين قاۋىپتى كونتەنتتەن قورعاۋ ماقساتىندا YouTube Kids سەكىلدى بالالارعا ارنالعان ارنايى جەلى ۇسىنۋى قاجەت. 13 جاسقا تولماعان بالالاردىڭ TikTok-قا اتا-اناسىنىڭ تەلەفونىنان كىرگەن جاعدايدا Face ID تەحنولوگياسى ارقىلى بۇعاتتاۋ مەحانيزمىن قاراستىرۋ كەرەك. ولاي بولماعان جاعدايدا ەلىمىزدە TikTok پلاتفورماسىن بۇعاتتاۋدى سۇرايمىز", – دەدى سەناتور.
ايتا كەتەيىك، دەپۋتات وسى ۋاقىتقا دەيىن جەلىدەگى پاراقشاسىندا Tiktok-تان تونەر قاۋىپ تۋرالى جازعان بولاتىن.
