«الاتاۋ» ءداستۇرلى ونەر تەاترىندا قازاق ويشىلى جانە اقىنى اباي قۇنانباەۆتىڭ تۋعان كۇنىنە ارنالعان «اباي الەمى» كونتسەرت-سپەكتاكلى ءوتتى. كورەرمەندەر ءار ءنومىر سايىن شابىتتانا قول سوعىپ، ارتىستەرگە ريزاشىلىعىن ءبىلدىردى.
ابايدىڭ جاس، دانا جانە كۇرەسكەر كەزەڭدەرىن ەلىمىزدىڭ تانىمال اكتەرلەرى ەرنات كۇنشىباەۆ، بولات ءابدىلمانوۆ جانە ەرلان ءبىلال سومدادى.
سپەكتاكلدە تەمىربەك جۇرگەنوۆ اتىنداعى ۇلتتىق ونەر اكادەمياسىنىڭ حورى مەن SteppeSons اسپاپتىق توبى ابايدىڭ اندەرىن ورىنداپ، قويىلىم مازمۇنىن تەرەڭ اشتى.
سونىمەن قاتار، مەكتەپ وقۋشىلارى اقىننىڭ ءتورت مەزگىل تۋرالى ولەڭدەرىن وقىپ، حالىق ىقىلاسىنا بولەندى. ساحنانى كىتاپ بەتىنە ۇقساس ەكران تولىقتىردى، وندا كورەرمەندەرگە ابايدىڭ قارا سوزدەرى كورسەتىلدى.
باعدارلامانىڭ مۋزىكالىق بولىگىندە «مۋزارت» توبى مەن ەردەن جاقسىبەك ادەمى اۋەنگە تولى اندەر ورىندادى. سپەكتاكل-كونتسەرت «IL CANTO» ۆوكالدىق كۆارتەتىنىڭ ورىنداۋىنداعى اباي اندەرىنەن قۇرالعان پوپۋرريمەن اياقتالدى.
