ادەبيەت ۇلتقا قىزمەت ەتەدى. ال ءاربىر ۇلتتىڭ بولاشاعى، ەرتەڭى – بالا. بالاسىز قوعام وسپەيدى، بالاسىز ۇرپاق جالعاسى بولمايدى. ۇرپاق جالعاسى بولماسا، ۇلتتىڭ ەرتەڭى بۇلىڭعىر بولماق. بالا تاربيەسى قيىندىعى مەن قىزىعى مول يگىلىكتەردىڭ ءبىرى بولسا، بالالار ادەبيەتى - سول بولاشاققا باعىت بەرەتىن رۋحاني قازىنا.
بالالار ادەبيەتى - ادەبيەتتىڭ ىرگەلى سالاسى. تىلگە جەڭىل، جۇرەككە جىلى، بالا ۇعىمىنا قونىمدى شىعارمانى جازۋ قانداي قيىن بولسا، سول نازىك سالانىڭ سىنشىسى بولۋ دا - قيىننىڭ قيىنى.
...قولىما كىتاپ الدىم. بەلگىلى سىنشى، پروفەسسور قۇلبەك ەرگوبەكتىڭ «ادامنىڭ ءبىر قىزىعى بالا دەگەن...» ەڭبەگى ادامعا وي سالاتىن، بالالار ادەبيەتىنىڭ تاريحىن الىستان ارعىعا، كەشەگىدەن ەرتەڭگى كۇنگە جەتەلەيتىن اۋقىمدى كىتاپ ەكەن.
جالپى ەرگوبەك قۇلبەك ەسىمى قازاق ادەبيەتىن سۇيەر قاۋىمعا عانا ەمەس، الىس-جاقىن شارتاراپتىڭ رۋحاني عىلىمي ورتاسى نا كەڭىنەن تانىس. ال «ادامنىڭ ءبىر قىزىعى بالا دەگەن...» ەڭبەگى ەستى ادامدى ويلاندىراتىن، تەرەڭ ويدى تولعاندىراتىن، كەلەشەكتىڭ تىرەگى بولار بالالار ادەبيەتىنىڭ جانە بالالار ادەبيەتى سىنىنىڭ دامۋى قالاي دەگەن ساۋالعا جاۋاپ بەرەدى.
كىتاپتا اۆتوردىڭ ءار جىلدارى شىققان جيناقتارعا دەگەن سىن ماقالالارىمەن بىرگە قازاق بالالار ادەبيەتىنىڭ جاۋھار قازىنالارىن ادەبي تۇرعىدان تالداعان ەڭبەكتەرى كىرىكتىرىلگەن.
كىتاپتىڭ ءاربىر ءبولىمى دە مازمۇنىنا ساي.
بالالار ادەبيەتىنىڭ بەلگىلى سىنشىسى، جازۋشى قۇلبەك سارسەنۇلىنىڭ «ادامنىڭ ءبىر قىزىعى بالا دەگەن...» اتتى ەڭبەگى مەملەكەتتىك دەڭگەيدەگى بيىك ماراپاتتارعا ابدەن لايىق ەڭبەكتەردىڭ ءبىرى دەپ ويلايمىن. بۇل ەڭبەك بالا بولاشاعىنا قىزمەت ەتەدى.
اراي جۇندىباەۆا, ادەبيەت سىنشىسى، فيلولوگيا عىلىمدارىنىڭ PhD دوكتورى، فيلولوگيا عىلىمدارى بويىنشا حالىقارالىق عىلىمي ەكسپەرت
