جوبانىڭ كاسىپكەرلەر پالاتاسىندا وتكەن تانىستىرىلۋ راسىمىنە قالاعا جۇمىس ساپارىمەن كەلگەن «اتامەكەن» ۇلتتىق كاسىپكەرلەر پالاتاسىنىڭ باسقارما مۇشەسى، باسقارما توراعاسىنىڭ ورىنباسارى تيمۋر ناقىپبەكوۆ، قالا اكىمىنىڭ ورىنباسارى ايدىن كارىموۆ، قالا پروكۋرورىنىڭ ءبىرىنشى ورىنباسارى جومارت نۇرعالي، وڭىرلىك كەڭەس مۇشەلەرى قاتىستى.
ينۆەستيتسيالىق جوبالاردىڭ ينتەراكتيۆتى كارتاسى ينۆەستيتسيالىق جوبالاردى جۇزەگە اسىرۋ بارىسىنا live-رەجيمدە مونيتورينگ جاساپ، باقىلاۋعا جانە جوبالاردى دامىتۋ بارىسىن ناقتى تۇسىنۋگە مۇمكىندىك بەرەدى.
«ءبىزدىڭ ورتاق ماقساتىمىز – قازاقستاننىڭ ينۆەستيتسياعا قولايلى مەملەكەت اتانۋى. ينتەراكتيۆتى كارتانىڭ كومەگىمەن ءار ينۆەستيتسيالىق جوبانىڭ قالاي جۇزەگە اسىرىلىپ جاتقانىن كەزەڭ-كەزەڭىمەن باقىلاۋعا بولادى. قاجەت بولعان جاعدايدا ءتۇرلى دەڭگەيدەگى مەملەكەتتىك ورگانداردىڭ وكىلدەرى كارتامەن تانىسىپ، تۇيتكىلدى تۇستار مەن ولاردى شەشۋ جولدارىن انىقتاي الادى»، – دەدى «اتامەكەن» ۇكپ باسقارما توراعاسىنىڭ ورىنباسارى تيمۋر ناقىپبەكوۆ.
قالا اكىمىنىڭ ورىنباسارى ايدىن كارىموۆ شىمكەنتتىڭ كاسىپكەرلىكتى جۇرگىزۋ بويىنشا قولايلى قالا ەكەنىن، ال بۇل ينۆەستورلاردى جۇمىلدىرۋعا سەپ بولاتىنىن اتاپ ءوتتى.
