قر ۇكىمەتىنىڭ «تاڭبالاۋعا جاتاتىن تاۋارلاردىڭ تىزبەسىن ايقىنداۋ تۋرالى» 2020 جىلعى قاۋلىسىنا وزگەرىستەر ەنگىزۋ تۋرالى قاۋلىسىنا سايكەس، بيىلعى جىلدىڭ 1 شىلدەسىنەن باستاپ دارىلىك زاتتارعا قاتىستى مىندەتتى تاڭبالاۋ ەنگىزىلدى.
ءدارى-دارمەكتەردى تاڭبالاۋ وندىرۋشىدەن، ديستريبۋتسيا قۇرىلىمىنان، ءدارىحانالاردان جانە مەديتسينالىق ۇيىمداردان پاتسيەنتتىڭ سوڭعى نۇكتەسىنە دەيىن جەتكىزىلىم تىزبەگى بويىنشا ءدارى-دارمەكتەردىڭ قوزعالىسىن باقىلاۋدىڭ ماڭىزدى قۇرالى بولىپ تابىلادى.
«كوپسالالى وبلىستىق اۋرۋحانا» شجق مكك ءدارىحانا مەڭگەرۋشىسى يرينا شەۆچەنكونىڭ ايتۋىنشا، «سك-فارماتسيادان» ونكوگەماتولوگيادا قولدانىلاتىن قىمبات حيميوتەراپيالىق پرەپارات – ريتۋكسيماب دارىلىك پرەپاراتىنىڭ 27 قاپتاماسى تۇسكەن. ءاربىر قاپتاما سكانەرلەنەدى جانە جۇيە ىلەسپە قۇجاتتارداعى دەرەكتەرمەن قاپتاماداعى شتريح-كودتىڭ سايكەستىگىن اۆتوماتتى تۇردە انىقتايدى. ەگەر دەرەكتەر سايكەس كەلسە، مەديتسينالىق مەكەمە ءبىر تۇيمەنى باسۋ ارقىلى بەلگىلى ءبىر پرەپاراتتىڭ ناقتى ءتۇسۋىن راستايدى.
«1 شىلدەدەن باستاپ قازاقستاندا دارىلىك زاتتاردى تاڭبالاۋ مىندەتتى بولدى، بىرىڭعاي ديستريبيۋتوردان Data Matrix ەكى ولشەمدى ماتريتسالىق شتريحكودىمەن بەلگىلەنگەن پرەپاراتتاردىڭ ءبىرىنشى پارتياسى كەلىپ ءتۇستى، - دەدى «كوپسالالى وبلىستىق اۋرۋحانا» شجق مكك ديرەكتورى نۇرلان جاروۆ.
يننوۆاتسيا بارلىق دارىلىك زاتتاردىڭ اينالىمىن باقىلاۋعا، كونترافاكتىلىك جانە وزگە دە ونىمدەردىڭ اينالىمىن بولدىرماۋعا، ستاتسيونارعا تۇسەتىن دارىلىك زاتتاردىڭ قاتاڭ ەسەبىن جۇرگىزۋگە مۇمكىندىك بەرەدى.
بۇدان باسقا، كوپبەيىندى وبلىستىق اۋرۋحانا بازاسىندا گوسپيتالدىق فارماتسيا ءبولىمىنىڭ جوباسى ەنگىزىلدى، وندا مەديتسينالىق اقپاراتتىق جۇيە مەن «1س-بۋحگالەتريا» ينتەگراتسياسى ارقىلى اۋرۋحانا ىشىندەگى پرەپاراتتاردىڭ قوزعالىسى ءاربىر پاتسيەنت بويىنشا دەربەستەندىرىلدى. سونىمەن قاتار، بۋحگالتەرلىك ەسەپ پاكەتتەرگە نەمەسە بوتەلكەلەرگە ەمەس، ءبىر داناسىنا – ميلليگرامم مەن ميلليليترگە سايكەس كەلەدى. ءدارى-دارمەكتەردى تۇتىنۋ اۆتوماتتى تۇردە باقىلانادى، دۇرىس ەمەس تاعايىنداۋلار مەن ەمدەۋ قاۋپى ازايادى.
«تسيفرلىق تەحنولوگيالاردى ەنگىزۋدىڭ ارقاسىندا ءبىز پرەپاراتتاردىڭ توگىلۋىن، قالدىقتاردىڭ جوعالۋىن بولدىرمايمىز، ستاتسيونار ىشىندەگى ءدارى-دارمەكتەردىڭ قوزعالىسىن قاتاڭ باقىلاۋعا الامىز. دارىگەردىڭ تاعايىنداۋى بويىنشا دارىلىك پرەپاراتتار ءار پاتسيەنتكە ستەريلدى تاڭبالانعان بوكستارعا سالىنىپ، پاتسيەنتتىڭ اتى-ءجونى، قابىلداۋ ۋاقىتى كورسەتىلەدى. قاتەلەر الىنىپ تاستالادى، ءار پاتسيەنت وزىنە تاعايىندالعان پرەپاراتپەن جانە بەلگىلى ءبىر دوزادا ەم الادى. سايىپ كەلگەندە، پاتسيەنتتەر جاقسى ەم الادى، ال مەديتسينالىق مەكەمە ۇنەمدەيدى»، – دەپ ءتۇسىندىردى نۇرلان جاروۆ.
