6 ماۋسىمدا قىتاي، قىرعىزستان مەن وزبەكستان ۇكىمەتتەرىنىڭ اراسىندا «قىتاي-قىرعىزستان-وزبەكستان» تەمىر جولىن سالۋ جوباسى بويىنشا كەلىسىمگە رەسمي قول قويۋ ءراسىمى ءوتتى، دەپ حابارلايدى «ادىرنا» ءتىلشىسى.
بەيجىڭ قالاسىندا ۇيىمداستىرىلعان كەزدەسۋگە قىرعىز رەسپۋبليكاسى كولىك جانە كوممۋنيكاتسيا ءمينيسترى تىلەك تەكەباەۆ، قىتاي حالىق رەسپۋبليكاسىنىڭ مەملەكەتتىك دامۋ جانە رەفورمالار كوميتەتىنىڭ توراعاسى چجەن شانتسزە جانە وزبەكستان رەسپۋبليكاسىنىڭ كولىك ءمينيسترى يلحوم ماحكاموۆ قاتىسىپ، ءتيىستى قۇجاتقا قول قويدى.
ۇشجاقتى كەلىسىمگە سايكەس تەمىرجول قاشعار – تورۋگارت – ماكمال – جالالاباد – ءاندىجان باعىتى بويىنشا وتەدى.
ەسكە سالايىق، قىتاي-قىرعىزستان-وزبەكستان تەمىر جولىنىڭ قۇرىلىسىنا دايىندىق 2022 جىلى باستالعان ەدى.
