بيىل قازاقستان رەسپۋبليكاسى قارۋلى كۇشتەرىنىڭ 32 جىل تولدى. وتان قورعاۋشى كۇنى قارساڭىندا الماتىنىڭ بارلىق مەكتەبىندە «ەرلىك ساباقتارى»، سىنىپ ساعاتتارى، وقىرماندار مەن ەسسەلەر بايقاۋلارى جانە ت.ب. وتەدى.
مەرەكەلىك ءىس-شارالار قالانىڭ اۋداندارىندا تومەندە كورسەتىلگەن نەگىزدە وتەدى:
اۋەزوۆ اۋدانىندا 3 مامىر كۇنى ساعات 10:00-دە ب.مومىشۇلى اتىنداعى الماتىداعى «جاس ۇلان» رەسپۋبليكالىق اسكەري مەكتەپتىڭ بازاسىندا «ۇراندى ەلدىڭ ۇرپاعى قايسار» مەرەكەلىك ءىس-شاراسى ءوتىپ، تەاترلاندىرىلعان قويىلىم كورسەتىلەدى.
تۇركسىب اۋدانىندا 6 مامىر كۇنى ساعات 15:00-دە قر قۇرلىق اسكەرلەرى اسكەري ينستيتۋتىنىڭ بازاسىندا كوركەمونەر ۇجىمدارى مەن اسكەري بولىمدەردىڭ قاتىسۋىمەن كونتسەرت وتەدى.
ناۋرىزباي اۋدانىندا 6 مامىر كۇنى اقجار شاعىن اۋدانىندا داۋلەتكەرەي كوشەسى 178, 2027 اسكەري ءبولىمىنىڭ اۋماعىندا ساعات 10:00-دە اسكەري قىزمەتشىلەردى ماراپاتتاۋ جانە ساربازداردىڭ انت قابىلداۋ ءراسىمى وتەدى.
بوستاندىق اۋدانىندا 7 مامىر كۇنى ساعات 09:00-دە پوپوۆ 1ا مەكەنجايىندا «ەل ەرتەنى-بۇگىنگى جاستارى» اتتى سالتاناتتى ءىس-شارا وتەدى. ءىس-شارا بارىسىندا اسكەري قىزمەتشىلەردى ماراپاتتالىپ، قوناقتار ءۇشىن ساپتىق مارش ۇيىمداستىرىلادى.
المالى اۋدانىندا 6 مامىردا ساعات 11:00-دە №120 گيمنازيادا «جاس سارباز» (9-11 سىنىپتار اراسىندا) اسكەري-سپورتتىق ويىندارىنىڭ جارىسى وتەدى. 6 مامىردا ساعات 13:00-دە №55 جببم-دە (7-9 سىنىپتار اراسىندا) ساپ جانە ءان بايقاۋى بولادى.
جەتىسۋ اۋدانىندا 7 مامىر كۇنى ساعات 11:00-دە رايىمبەك داڭعىلى، 235 (ورتالىق زيرات) مەكەنجايىنداعى «بەلگىسىز ساربازدىڭ قابىرى» ەسكەرتكىشىنە گۇل شوقتارى قويىلادى.
الاتاۋ اۋدانىندا 7 مامىر كۇنى ساعات 11:00-دە اۋدان اكىمدىگى عيماراتىنىڭ الدىندا «ەر ەسىمى – ەل ەسىندە» ەسكەرتكىشىنە گۇل شوقتارى قويىلادى.