قاراعاندى وبلىسىندا ەرىكتىلەر ارداگەرلەر مەن جالعىزباستى زەينەتكەرلەر تۇراتىن ۇيلەردىڭ اۋلاسىن تازالاپ جاتىر. جۇمىستار "تازا قازاقستان" رەسپۋبليكالىق ەكولوگيالىق اكتسياسىنىڭ "ونەگەلى ۇرپاق" اپتالىعى اياسىندا جۇرگىزىلۋدە.
ساران قالاسىندا جالعىز باستى زەينەتكەرلەرگە ا. قۇنانباەۆ اتىنداعى ساران جوعارى گۋمانيتارلىق-تەحنيكالىق كوللەدجىنىڭ "جىگەر" ستۋدەنتتىك پارلامەنتىنىڭ ەرىكتىلەرى كومەك كورسەتتى. اكتسيا بارىسىندا ولار 30-عا جۋىق ادامدى قامتىماقشى.
جاس ۇرپاقتان كومەك العانداردىڭ قاتارىندا العاشقىلاردىڭ ءبىرى زەينەتكەر ولەگ ميحەەۆ بولدى.
– مەن زەينەتكەر شاحتەرمىن، جالعىز تۇرامىن. بالالار ماعان وسىعان دەيىن دە بىرنەگەرە كەلىپ، كومەكتەسكەن ەدى. سول ءۇشىن مەن ولارعا شىن جۇرەكتەن ريزامىن. بۇل جولى ولار باقشادا جەر قازۋعا كومەكتەستى، بۇل ۇلكەن جۇمىس. ءبىزدىڭ قالادا وسىنداي جاناشىر جاستاردىڭ بارى وتە جاقسى. قالانىڭ بارلىق تۇرعىندارىن "تازا قازاقستان" اكتسياسىنا قاتىسۋعا شاقىرامىن، – دەيدى زەينەتكەر.
اكتسيا باستالعاننان بەرى ساراندا بارلىعى 700 توننادان استام قوقىس جينالىپ، پوليگوندارعا شىعارىلدى. سەنبىلىككە 1300-دەن استام ادام قاتىستى. 98 گەكتارعا جۋىق اۋماق جينالدى، 27 رۇقسات ەتىلمەگەن پوليگون جويىلدى. قالا بويىنشا 13 جاڭا قوقىس جاشىگى ورناتىلىپ، 1050 اعاش جانە 500-دەن استام بۇتا ەگىلدى.
تەمىرتاۋدا "شاڭىراق" ەرىكتىلەر ورتالىعىنىڭ ەرىكتىلەرى قارتتار ۇيىنە باردى.
ولار ءۇيدىڭ اۋماعىن جانە ونىڭ اينالاسىن تازارتۋعا كومەكتەستى، قارتتارعا كوڭىل ءبولىپ، قامقورلىعىمەن قۋانتتى.
"سونداي-اق، ەرىكتىلەر جالعىز تۇراتىن زەينەتكەرلەردىڭ ۇيلەرىنە، سونىڭ ىشىندە سۆەتلانا ۆاۆيلوۆانىڭ ۇيىنە باردى. ولارعا قولدان كەلگەنشە كومەك كورسەتىلدى. ءبىزدىڭ مىندەتىمىز – جالعىزباستى قارتتارعا قامقورلىق جاساۋ. بۇل ءۇشىن تەك نيەت بولسا جەتكىلىكتى، سەبەبى شىن كوڭىلمەن جاسالعان ءاربىر يگى ءىس قاريالارعا زور بولىپ كورىنەدى، – دەپ ەسەپتەيدى تەمىرتاۋ اكىمدىگىندە. – "تازا قازاقستان" اكتسياسى اياسىندا 8–30 ءساۋىر ارالىعىندا قالا بويىنشا 300 گەكتارعا جۋىق قوقىس جينالدى، پوليگوندارعا 8537 توننا قوقىس شىعارىلدى".
تەمىرتاۋ بويىنشا ەڭ كوپ لاستانعان 160 ۋچاسكە انىقتالدى، ونىڭ ىشىندە بۇگىنگى كۇنى 105-ءى تازارتىلدى. قالعاندارى بويىنشا جۇمىس جالعاسۋدا. سونداي-اق، قالادا اكتسيانىڭ سوڭىنا دەيىن 5300 اعاش پەن بۇتا ەگۋ جوسپارلانعان. بۇگىنگى تاڭدا ەسكى قالا ساياباعىندا، وڭ جاعالاۋدا، يەسىز يتتەر باسپاناسى مەن جاستار ءۇيىنىڭ جانىندا 2365 كوشەت ەگىلدى
شەت اۋدانىندا سانيتارلىق تازارتۋ جۇمىستارى جالعاسۋدا. اكتسيا باستالعاننان بەرى پوليگوندارعا 4,3 مىڭ توننادان استام قوقىس پەن كۇل شىعارىلدى. وسى اپتادا تاعى مىڭ تونناعا جۋىق قتق شىعارۋ جوسپارلانۋدا. سونداي-اق، اۋداندا 3823 كوشەت پەن 500 بۇتا ەگۋ جوسپارلانىپ وتىر.
"ونەگەلى ۇرپاق" اپتالىعى ارداگەرلەر مەن جالعىزباستى زەينەتكەرلەرگە ارنالعان. ەرىكتىلەر 50-گە جۋىق ادامدى قامتۋدى جوسپارلاپ وتىر. ولارعا كۇل شىعارۋعا، قىستان كەيىن باقشالاردى تازارتۋعا جانە باسقا دا قاجەتتى كومەك كورسەتەدى", – دەدى اۋدان اكىمدىگى.
وساكاروۆ اۋدانىندا "ونەگەلى ۇرپاق" اپتالىعى اياسىندا ۇوس ارداگەرى اننا كوتوۆانىڭ اۋلاسى جينالدى.
ءا. بوكەيحان اتىنداعى مەكتەپ وقۋشىلارى مەن ەرىكتىلەر ونىڭ اۋلاسىنا شىرشا وتىرعىزىپ،
ءۇي مەن قورشاۋدى سىرلاپ،
اۋلاسىن قوقىستان تازارتتى.
بۇل باعىتتا جۇمىستار ءالى دە جالعاسادى.
