ياكۋتيا (ساحا) رەسپۋبليكاسىنىڭ كۇندەرى اياسىندا 21-23 ءساۋىر ارالىعىندا ىقىلاس اتىنداعى حالىق مۋزىكالىق اسپاپتار مۋزەيىندە تاريحي كەزدەسۋ وتەدى، دەپ حابارلايدى “ادىرنا” پورتالى. بۇل تۋرالى اقىن، بەلسەندى ادىلەت احمەت ءوزىنىڭ Facebook پاراقشاسىندا ءبولىستى.
كەزدەسۋ ءساۋىر ايىنىڭ 21-23 كۇندەرى الماتى قالاسىندا وتەدى.
باعدارلاما شەڭبەرىندە ياكۋتيا حالىقتارىنىڭ مۋزىكاسى جانە فولكلورى مۋزەيى قورىنان جاساقتالعان “عاسىرلار ءۇنى” جىلجىمالى كورمەسىنىڭ اشىلۋى وتەدى.
سونداي-اق، دارىندى مۋزىكانت، سر حالىق شەبەرى، سر مادەنيەت ۇزدىگى، ياكۋتيانىڭ “كىل ساحا” ەتنيكالىق مۋزىكا ءانسامبلىنىڭ ءسوليستى رۋسلان گابىشەۆپەن ارت-كەزدەسۋ وتەدى.
ياكۋتيانىڭ بايىرعى حالىقتارى ەرتەگىلەرىنىڭ جەلىسى بويىنشا قىسقامەتراجدى مۋلتيپليكاتسيالىق فيلمدەر كورسەتىلىمى ۇسىنىلادى جانە “نيۋرگۋن بووتۋر سترەميتەلنىي” تولىقمەتراجدى مۋلتيپليكاتسيالىق ءفيلمىنىڭ كورسەتىلىمى وتەدى.
بارلىق ءىس-شارالارعا كىرۋ تەگىن.
