بۇگىن تالدىقورعان حالقى ورتالىق الاڭدا «شاحمات كەرۋەنىن» قارسى الدى.
Freedom Broker باس سەرىكتەسىنىڭ قولداۋىمەن جۇزەگە اسىپ جاتقان جوبا شاحمات سپورتىن وڭىرلەردە كەڭىنەن دارىپتەۋدى كوزدەيدى.
كەرۋەن يدەياسى ساۋدامەن قاتار, حالىقتاردىڭ مادەني جانە سپورتتىق مۇراسىن الەمگە تاراتقان ۇلى جىبەك جولىنا نەگىزدەلگەن.
«ءتۋرنيردىڭ ماقساتى – شاحماتتى اۋەسقوي ويىنشىلار اراسىندا كوبىرەك ناسيحاتتاۋ. وعان مەكتەپ وقۋشىلارى دا، زەينەتكەرلەر دە قاتىسا الادى. مۇنداعى ەڭ باستى ەرەكشەلىك، قاتىسۋشىلار جىنىسىنا، جاسىنا، الەۋمەتتىك مارتەبەسىنە قاراماستان، بارلىعى ءبىر شاحمات تاقتاسىندا باق سىناسا الادى»، – دەيءدى قازاقستان شاحمات فەدەراتسياسى پرەزيدەنتىنىڭ كەڭەسشىسى ولەگ ريابچەنكو.
كەرۋەننىڭ كەلۋى اياسىندا قازاقستان شاحمات فەدەراتسياسىنىڭ جەتىسۋ وبلىستىق فيليالى اشىلدى. ونىڭ توراعاسى بولىپ وبلىس اكىمىنىڭ ورىنباسارى رۋستام ءالي تاعايىندالدى.
«بۇگىن تالدىقورعاننىڭ اۋا رايى دا تاماشا، حالىق تا كوپ جينالدى. قالامىزدا شاحمات فەدەراتسياسىنىڭ جاڭا فيليالى اشىلىپ، بىزگە ۇلكەن جاۋاپكەرشىلىك ارتىلىپ وتىر. جاستارىمىزدىڭ ينتەللەكتۋالدى، ءبىلىمدى ۇلت بولىپ قالىپتاسۋىندا بۇل سپورت ءتۇرىنىڭ الاتىن ورنى ەرەكشە»، – دەدى توراعا. سونداي-اق ول 2025-27 جىلدارعا ارنالعان دامۋ جوسپارىندا بالالار مەن جاسوسپىرىمدەردى شاحماتقا بەلسەندى تارتۋ ماسەلەسى بار ەكەنىن اتاپ ءوتتى.
ورتالىق الاڭدا ورناتىلعان جىلجىمالى كيىز ءۇي ىشىندە شاحماتتان تۋرنير ءوتتى. سونداي-اق مۇندا قازاقستان قۇراماسىنىڭ نامىسىن قورعاپ، ءالەم چەمپيوناتىنىڭ كۇمىس جۇلدەگەرءى اتانعان كسەنيا بالاباەۆامەن ءبىر مەزەتتىك ويىن سەانسى ءوتتى.
«شاحمات كەرۋەنى» – باسقا قالاداعى جارىستارعا بارا المايتىن ادامدار ءۇشىن وتە جاقسى مۇمكىندىك. ولار وسى تۋرنيردە تاجىريبە جيناقتاپ، جاتتىعادى جانە ءبىر مەزگىلدە مىقتى شاحماتشىلارعا قارسى وينايدى»، – دەءدى كسەنيا بالاباەۆا.
وبلىستىق كەزەڭنىڭ ىرىكتەۋ تۋرنيرىنە 75 ادام قاتىسىپ، ونىڭ ىشىنەن 20-سى عانا بۇگىنگى جارتىلاي فينالعا وتكەن. ءتۋرنيردىڭ ءى ورىن يەگەرى اتانعان عاني تۇگەلباەۆ شاحماتپەن بالا كەزىنەن اينالىسقان ەكەن. وعان 100 مىڭ تەڭگە سىياقى تابىس ەتىلدى. ءىى ورىن جۇلدەگەرى ەرنازار يسۋمباەۆ 50 مىڭ، ءىىى ورىن العان ۆيتالي وۆچيننيكوۆ 30 مىڭ تەڭگە سەرتيفيكاتتارىمەن ماراپاتتالدى. وسى ءۇش جەڭىمپاز دا قاراشا ايىندا تۇركىستاندا وتەتىن گراند-فينالعا جولداما الدى.
10 قىركۇيەكتەن باستاپ، بۇگىندە سەگىز قالانى ارالاپ ۇلگەرگەن كەرۋەن 10 قاراشاعا دەيىن ەلىمىزدىڭ تۇكپىر-تۇكپىرىنە ساپار شەگەدى.
