بۇگىن جەتىسۋ وبلىسىنىڭ اكىمى بەيبىت يساباەۆ تالدىقورعانداعى №389 سايلاۋ ۋچاسكەسىنە كەلىپ، پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتەن تىس سايلاۋىندا داۋىس بەردى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
ءى.جانسۇگىروۆ اتىنداعى مادەنيەت سارايىندا ورنالاسقان ۋچاسكەدە تاڭداۋ جاساعان بەيبىت يساباەۆ:
- بۇگىن مەن ءوزىمنىڭ كونستيتۋتسيالىق قۇقىعىمدى پايدالانىپ، جۇرەگىم قالاعان ساياسي پارتياعا جانە جەكەلەگەن كانديداتتارعا داۋىس بەردىم. سول ارقىلى قازاقستاننىڭ بولاشاعى ءۇشىن، جاس ۇرپاقتىڭ ەرتەڭى ءۇشىن تاڭداۋ جاسادىم، - دەدى ول.
جەتىسۋ وبلىسىندا بارلىعى 458 سايلاۋ ۋچاسكەسى، 443 مىڭنان استام سايلاۋشى بار. ۋچاسكەلەر تاڭەرتەڭگى ساعات 7.00-دەن باستاپ جۇمىسقا كىرىستى.
