Бүгін Алматыда сатиралық QazNews24 паблигінің авторы Темірлан Еңсебекке қатысты екінші сот отырысы басталды, деп хабарлайды "Адырна" ұлттық порталы.
Бұл туралы журналист Данияр Молдабеков Telegram арнасында жазды.
«Темірлан Еңсебекке қатысты сот басталды, бірақ оның өзі тағы да сот залында жоқ. Оны онлайн байланыс арқылы тергеу изоляторынан қосады. Алдыңғы отырыста Еңсебек оны сот залына алып келуді талап еткен, ол адвокатын әрдайым ести алмайтынын айтқан», – деп жазды Молдабеков.
Журналистің айтуынша, судья Бейнеғұл Қайсина сот залында Еңсебекті әрдайым естімейтінін және байланыстың нашар екенін атап өткен.
Журналистің дерегіне сүйенсек, судья Бейнеғұл Қайсина журналистерге сот залынан тікелей эфир жүргізуге тыйым салды. Фото мен бейнемазмұнды түсіруге рұқсат берілді, бірақ тікелей эфир жасауға болмайды.
«Шынымен де, сіз не айтып отырғандарыңызды естімейміз», – деді Еңсебек.
Ол өзінің сот залында болуын сұрап, байланыс мәселесі туралы шағымданды.
«Оны қорғау құқығынан айырып жатыр», – деп мәлімдеді оның адвокаты Жанар Балғабаева.
Судья Қайсина Еңсебектің сот залына келу туралы өтінішін қабылдамай, процесті аралас режимде – онлайн және офлайн форматта жүргізуге шешім қабылдады.
«Еңсебекті сот залына апармайды, бірақ байланыс нашар», – деп қосты Молдабеков.
Оның айтуынша, Еңсебектің белсенділері мен достары сот ғимаратының дәлізінде «Ашық сот!» деп айқайлап жатыр.
Естеріңізге сала кетейік, қазіргі уақытта QazNews24 паблигінің авторына ұлтаралық алауыздықты қоздыру айыбы тағылуда.
Алғашқы сот отырысы 27 ақпан күні өтті. Ол кезде де Темірлан Еңсебек сотқа онлайн режимде қатысқан болатын.
