بۇگىن الماتىدا ساتيرالىق QazNews24 پابليگىنىڭ اۆتورى تەمىرلان ەڭسەبەككە قاتىستى ەكىنشى سوت وتىرىسى باستالدى، دەپ حابارلايدى "ادىرنا" ۇلتتىق پورتالى.
بۇل تۋرالى جۋرناليست دانيار مولدابەكوۆ Telegram ارناسىندا جازدى.
«تەمىرلان ەڭسەبەككە قاتىستى سوت باستالدى، بىراق ونىڭ ءوزى تاعى دا سوت زالىندا جوق. ونى ونلاين بايلانىس ارقىلى تەرگەۋ يزولياتورىنان قوسادى. الدىڭعى وتىرىستا ەڭسەبەك ونى سوت زالىنا الىپ كەلۋدى تالاپ ەتكەن، ول ادۆوكاتىن ءاردايىم ەستي المايتىنىن ايتقان»، – دەپ جازدى مولدابەكوۆ.
ءجۋرناليستىڭ ايتۋىنشا، سۋديا بەينەعۇل قايسينا سوت زالىندا ەڭسەبەكتى ءاردايىم ەستىمەيتىنىن جانە بايلانىستىڭ ناشار ەكەنىن اتاپ وتكەن.
ءجۋرناليستىڭ دەرەگىنە سۇيەنسەك، سۋديا بەينەعۇل قايسينا جۋرناليستەرگە سوت زالىنان تىكەلەي ەفير جۇرگىزۋگە تىيىم سالدى. فوتو مەن بەينەمازمۇندى تۇسىرۋگە رۇقسات بەرىلدى، بىراق تىكەلەي ەفير جاساۋعا بولمايدى.
«شىنىمەن دە، ءسىز نە ايتىپ وتىرعاندارىڭىزدى ەستىمەيمىز»، – دەدى ەڭسەبەك.
ول ءوزىنىڭ سوت زالىندا بولۋىن سۇراپ، بايلانىس ماسەلەسى تۋرالى شاعىمداندى.
«ونى قورعاۋ قۇقىعىنان ايىرىپ جاتىر»، – دەپ مالىمدەدى ونىڭ ادۆوكاتى جانار بالعاباەۆا.
سۋديا قايسينا ەڭسەبەكتىڭ سوت زالىنا كەلۋ تۋرالى ءوتىنىشىن قابىلداماي، پروتسەستى ارالاس رەجيمدە – ونلاين جانە وفلاين فورماتتا جۇرگىزۋگە شەشىم قابىلدادى.
«ەڭسەبەكتى سوت زالىنا اپارمايدى، بىراق بايلانىس ناشار»، – دەپ قوستى مولدابەكوۆ.
ونىڭ ايتۋىنشا، ەڭسەبەكتىڭ بەلسەندىلەرى مەن دوستارى سوت عيماراتىنىڭ دالىزىندە «اشىق سوت!» دەپ ايقايلاپ جاتىر.
ەستەرىڭىزگە سالا كەتەيىك، قازىرگى ۋاقىتتا QazNews24 پابليگىنىڭ اۆتورىنا ۇلتارالىق الاۋىزدىقتى قوزدىرۋ ايىبى تاعىلۋدا.
العاشقى سوت وتىرىسى 27 اقپان كۇنى ءوتتى. ول كەزدە دە تەمىرلان ەڭسەبەك سوتقا ونلاين رەجيمدە قاتىسقان بولاتىن.
