14 наурызда Қазақстан Президенті Қасым-Жомарт Тоқаев Бурабайда өтетін Ұлттық құрылтайдың IV отырысына қатысады, деп хабарлайды "Адырна" ұлттық порталы.
ҚР Президентінің Баспасөз хатшысы Руслан Желдібай телеграм арнасында ақпарат жариялады. Құрылтай барысында мемлекет басшысы сөз сөйлеп, қатысушылар өзекті мәселелер бойынша ұсыныстар ортаға салынбақ.
"Ұлттық құрылтай мүшелері қоғамдағы маңызды мәселелерді талқылап, өз ұсыныстарын білдіреді", – делінген ресми хабарламада.
Айта кетейік, бұған дейін Ұлттық құрылтайдың алғашқы үш отырысы Ұлытау, Түркістан және Атырау қалаларында өткен болатын.
