Солтүстік Қазақстан облысы Шал ақын ауданына қарасты Ступинка ауылында жеке тұрғын үйден шыққан өрттен қайғылы жағдай орын алды, деп хабарлайды "Адырна" ұлттық порталы.
Өртенген үйден төрт адамның мәйіті табылды.
Төтенше жағдайлар департаментінің мәліметінше, өрт туралы хабарлама 23 қаңтарға қараған түні 112 пультіне түскен. Өртті сөндіру кезінде үйден төрт адамның денесі табылған. Жоғалған бір отбасы мүшесін іздеу жалғасып жатыр. Бұл туралы облыстық ТЖД баспасөз хатшысы Евгений Журавлев мәлімдеді.
Ауыл әкімінің айтуынша, бұл үйде бес баласы бар жалғызбасты әке тұрған. Балалардың анасы бірнеше жыл бұрын қайтыс болған. Қаза тапқандардың ең кенжесі 2-сынып оқушысы болғаны белгілі болды.
