Атыраудағы мұнай-газ өңдеу зауытында апат болды, деп хабарлайды "Адырна" ұлттық порталы КТК-ға сілтеп.
Өндіріс аумағында ақау шығып, құбыр жарылған. Жанармай жан-жаққа төгілген.
Кәсіпорынның ресми хабарламасында жер астындағы құбыр жарылды делінген. Қазір ол резервуардан ажыратылған.
“Жарылған құбырды таптық. Жердің астында жатқан. Қазір жөнделіп жатыр. Жердің астынан қазып,таптық. Не жағдай болғанын комиссия анықтайд”, – деді АМӨЗ директорының өндіріс жөніндегі орынбасарының міндетін атқарушы Нұрлан Есжанов.
Өндіріс аумағына 20-30 тонна шамасында жанармай төгілген. Дегенмен ақау жойылып, зауыт жұмыс жасап тұрғаны анықталды. Ал төгілген жанармайды кері сорып алып, қайта өңдеуге жіберген көрінеді.
