Бүгін Ақтаудағы әуе апатының себептерін тергеу жұмыстарына 17-ші халықаралық сарапшы келді, деп хабарлайды "Адырна" ұлттық порталы.
Халықаралық азаматтық авиация ұйымының (ИКАО) бас хатшысы тапсырмасына сәйкес Қазақстанға аккредиттелген бақылаушы – авиациялық оқиғаларды тергеу бөлімінің жетекшісі Тормор Турмодсон келді.
Индустрия және инфрақұрылымдық даму министрлігінің айтуынша, ИКАО Қазақстанның авиациялық билігінің тергеу жұмыстарын ашық жүргізу және мүдделі мемлекеттердің қатысуын қамтамасыз ету бойынша көрсеткен жоғары кәсіби әрекеттерін жоғары бағалаған.
Бұған дейін, Ақтау түбінде болған ұшақ апатын зерттеуге Бразилия үш тергеушісін жібергені туралы жазған едік.
