Марқұм Шерзаттың әкесі Қаржаубай Нұрымовты полиция ұстап әкетті, деп хабарлайды “Адырна” ұлттық порталы.
Полиция мәліметінше, бүгін сағат 15:30-да Азат ауылында жерлеу рәсімі кезінде қоғамдық тәртіпті бұзатын жағдай орын алды.
"Қаржаубай Нұрымов прокурордың заңды сақтау туралы түсіндірмелерін елемеді. Шектен тыс агрессивті мінез-құлық танытып, басқаларды өз-өзіне қол жұмсаймын деп қорқытты. Сонымен қатар полиция қызметкеріне пышақпен шабуыл жасады. Оның мінез-құлқы өзіне де, басқаларға да қауіп төндірді", - делінген хабарламада.
Осылайша полиция қызметкерлері Қаржаубайды айналасындағылардың өміріне зиян келтіреді деп ұстап әкетіпті. Ол қазір полиция бөлімінде екен. Онымен психологтар жұмыс істейді, дейді.
