ҚР ІІМ Ұйымдасқан қылмысқа қарсы күрес департаменті үшінші басқармасы бастығының орынбасары Шынар Кучербаеваның айтуынша, департаментте адам саудасымен күресу бойынша арнайы топтар бар. Жыл сайын ішкі істер органдары 150-ге дейін қылмыстық іс қозғайды.
«Ағзаларды сату бойынша 15 қылмыстық іс, қанау мақсатында адам ұрлау бойынша екі, қанау мақсатында заңсыз бас бостандығынан айыру бойынша үш, адам саудасы бойынша 15, кәмелетке толмаған адамды жезөкшелікке тарту бойынша 12, кәмелетке толмағандарды сату үшеу, жезөкшелікпен айналысу бойынша – жетеуі, жезөкшелікпен айналысқаны үшін – 77 қылмыстық іс қозғалды ”, – деді Шынар Кучербаева Орталық коммуникациялар қызметінде өткен баспасөз мәслихатында.
Сонымен қатар, адам саудасына қатысты бап бойынша (ӘҚБтК-нің 450-бабы) әкімшілік құқық бұзушылық бойынша 649 құқық бұзушылық анықталды. Жезөкшелік пен сутенерлікке үй-жай бергені үшін пәтер иелеріне 155 миллион теңге айыппұл салынды.
5 шілдеде Қазақстан Республикасының Президенті адам саудасына қарсы күрес жөніндегі бірінші арнайы заңға қол қойды, бұл құжат күшіне енді және қазір полиция қызметкерлері қазақстандықтарды қорғау бойынша жаңа өкілеттіктерге ие болды.
