Бүгін Шыңғыс ханның туғанына 862 жыл толады. 2012 жылдан бастап бұл күн Моңғолияда мемлекеттік мереке ретінде тойланады, деп хабарлайды «Адырна» ұлттық порталы.
2012 жылғы 9 қаңтарда Моңғолия Президентінің №4 Жарлығымен Шыңғыс ханның туған күні Моңғолия Ғылым академиясының ұсынысы мен тиісті жұмыс тобының қорытындысы негізінде ресми түрде жарияланып, ай күнтізбесі бойынша қыс айының бірінші күні деп белгіленді. Бұл күн жыл сайын елде Моңғолия мақтанышының күні ретінде атап өтіледі.
«Шыңғыс хан» ордені елдің тәуелсіздігі мен егемендігін нығайтуда, ұлттық бірлікті сақтауда, мемлекеттілік дәстүрлерін, тарихы мен мәдениетін терең зерттеп, оны келесі ұрпаққа жеткізуде және әлемде кеңінен насихаттауда ерекше еңбегі мен айрықша үлесі бар азаматтарға беріледі.
Ай күнтізбесі бойынша қыс айының бірінші күні жыл сайын әртүрлі күндерге сәйкес келеді.
2012 жыл: 14 қарашада – Шыңғыс ханның туғанына 850 жыл толды,
2013 жыл: 4 қараша – Шыңғыс ханның туғанына 851 жыл толды,
2014 жыл: 23 қараша – Шыңғыс ханның туғанына 852 жыл толды,
2015 жыл: 12 қараша – Шыңғыс ханның туғанына 853 жыл толды,
2016 жыл: 31 қазан – Шыңғыс ханның туғанына 854 жыл толды,
2017 жыл: 19 қараша – Шыңғыс ханның туғанына 855 жыл толды,
2018 жыл: 8 қараша – Шыңғыс ханның туғанына 856 жыл толды,
2019 жыл: 27 қараша – Шыңғыс ханның туғанына 857 жыл толды,
2020 жыл: 16 қараша – Шыңғыс ханның туғанына 858 жыл толды,
2021 жыл: 5 қараша – Шыңғыс ханның туғанына 859 жыл толды,
2022 жыл: 24 қараша – Шыңғыс ханның туғанына 860 жыл толды,
2023 жыл: 14 қараша – Шыңғыс ханның туғанына 861 жыл толды.
Мереке күні Моңғолияның мемлекеттік туын құрметтеу рәсімі, ұлттық күрестен жарыстар және басқа да салтанатты іс-шаралар өткізіледі.
