Қазақстанға бұршақ және бұрыш деген жалған атпен 200 мың қорап темекі әкелмек болғандар анықталды, деп хабарлайды "Адырна" ұлттық порталы ҚР Қаржы министрлігі Мемлекеттік кірістер комитетінің баспасөз қызметіне сілтеп.
«Қарасу бақылау-өткізу бекетінде жүк құжаттарына сәйкес болгар бұрышы тасымалданады делінген тоңазытқыштан темекі табылды. Тексеру барысында декларацияланбаған 180 мыңнан астам қорап Oris, Parlament, Zumerret темекілері табылды. «Айша бибі» бақылау-өткізу бекетінде жүк тасымалдау құжаттарына сәйкес бұршақ таситын жүк көлігінен декларацияланбаған 15 мың қорап Oris темекісі табылды», - делінген хабарламада.
Заңсыз жөнелтілімдерді 2024 жылдың 26 қыркүйегінде мемлекеттік кірістер мен шекара қызметінің қызметкерлері ұстағаны хабарланды.
Мәліметтерге сәйкес, барлық темекі бұйымдарында акцизделетін өнімдерге арналған сәйкестендіру құралдары жоқ.
