16 тамыз күні Алматыда атом электр станциясын салу мәселесі бойынша ашық жиын өтеді. Бұл туралы қала әкімдігінің баспасөз қызметі жазды, деп хабарлайды «Адырна» тілшісі.
Іс-шара «Алматыбасжоспар» ғылыми-зерттеу институтында сағат 9:00-де басталады.
«Жария талқылауға атом саласының салалық сарапшылары қатысады. Шараны өткізу барысында азаматтар өздерін қызықтыратын технологиялардың қауіпсіздігі бойынша, АЭС құрылысының әлеуметтік-экономикалық аспектілері бойынша да кез келген сұрақтарын сарапшыларға қоя алады»,–делінген хабарлама.
Айта кетейік, бұған дейін еліміздің 18 өңірінде АЭС құрылысы бойынша талқылаулар өткен еді.
