27 маусымда жоғалып кеткен Орал қаласының тұрғыны Жеткерген Жамбыловтың өлі денесі табылды. Полицейлердің мәліметінше, 21 жастағы жігітті бәз біреулер өлтіріп кеткен, - деп хабарлайды “Адырна” ұлттық порталы "Мой город" басылымына сілтеме жасап.
Айтуларынша, жас жігіт «Строитель» шағын ауданындағы үйінен шығып кетіп, із-түссіз жоғалған. Жігіттің туыстары полицияға арыз түсірген. Тәртіп сақшылары іздеу жұмыстарын бастады, бірақ Жеткергенді тірідей таба алмады.
«Адам өлтірді» деген күдікпен Бәйтерек ауданының тұрғыны ұсталды, қазір тергеу амалдары жүргізілуде.
