قازاقستانداعى ەڭ باي وليگارحتاردىڭ ءبىرى، نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆ لوندونداعى ءزاۋلىم ءۇيىن 34,7 ملن فۋنت ستەرلينگكە ساتتى، دەپ حابارلايدى «ادىرنا» ءتىلشىسى Financial Times-كە سىلتەمە جاساپ.
بۋكينگەم سارايىنىڭ جانىندا ورنالاسقان اپپەر-گروسۆەنور كوشەسىندەگى مۇلىكتى ناۋرىز ايىندا North Wind Capital ينۆەستيتسيالىق كومپانياسى ساتىپ العان. جاڭا قوجايىندار عيماراتتى قايتا سالۋدى جوسپارلاپ وتىر.
باسىلىم ءدال وسى كوشەدە قۇلىباەۆتىڭ تاعى ءبىر مۇلكى بار ەكەنىن جازدى. وليگارح بۇل عيماراتتى دا ساتىپ جىبەرۋگە نيەتتى. بىراق مۇلىكتى ساتىپ الۋشى ءالى تابىلمادى.
ايتا كەتەيىك، 2024 جىلدىڭ باسىندا تيمۋر قۇلىباەۆتىڭ بايلىعى 4,6 ميلليارد دوللارعا جەتكەنى بەلگىلى بولدى. ونىڭ زايىبى دينارا قۇلىباەۆادا دا وسىنداي قاراجات بار. Forbes الەمدىك رەيتينگىندە جۇپ 627-ورىندا تۇر.
