اقىن جەلتوقسان قاھارمانىنا ارنالعان شىعارماشىلىق كەشىنىڭ قارجىسىن تاسقىنعا جاردەمگە بولگەنىن ايتتى، دەپ حابارلايدى "ادىرنا" ۇلتتىق پورتالى.
اقىن امانعازى كارىپجان جەلتوقسان قاھارمانىنىڭ قۇرمەتىنە ۇيىمداستىرىلعان شىعارماشىلىق كەشتەن جينالعان قارجىنى سۋ تاسقىنىنان زارداپ شەككەندەرگە اۋداردى. بۇل تۋرالى ول Facebook جەلىسىندەگى پاراقشاسىندا جاريالاعان.
"تەاتردا وتكەن مەرەيتويلىق شىعارماشىلىق جانە قايىرىمدىلىق كونتسەرتتىك كەشىمدى اۋەلى تاسقىن سۋ اپاتىنا بايلانىستى ءوز قالتا قاراجاتىممەن بيلەتسىز تەگىن وتكىزىپ، ەلدەن سالىنعان ازعانا اقشانى كومەك قورىنا جىبەردىم. سونداي-اق، بۇل شارانى جەلتوقسان قۇربانى ەربول سىپاتاەۆتىڭ تۋعانىنا 60 جىل تولۋىنا ارنادىم", - دەپ جازدى اقىن.
ول باعدارلامانىڭ جارناماسىن ءتۇرلى جەلى، توپتاردان كورىپ كەلگەندەرگە، ۇلەسىن قوسقان ارىپتەستەرى مەن باق وكىلدەرىنە العىسىن ايتتى.
